HKMP 第三屆吐露港十公里賽

剛過去的星期日29.3.09 ,

YM 去咗跑HKMP 吐露港10K ！

8:45am 起步, 我7:45am 坐緊巴士入大埔時,

風雲變色, 個天黑晒, 一落車就開始落大雨！

想避一陣先行, 但係愈落愈大, 唯有硬住頭皮照行,

未行到登記counter 已經下半截濕透....

攞完號碼布, 就去寄行李, 果時啱啱跑完4K少年組,

一時間一班人取行李, 另一大班人寄行李,

仲有一班人避雨, 大家都有啲狼狽！

我金蟬脫穀, 穿好chips, 寄埋行李, 又人有三急,

於是跑番出村口廁所, 好似仲未拉筋添...！

跑番去起點就即刻起步喇！

今次折返點有啲轉折, 我又傻吓傻吓,

差啲喺邊度轉彎都未知,

因為呢次陳sir 太忙, 大家冇去預跑之故吧！

成績方面, 就係慢咗13秒囉！

即係56分19秒完成, 真係有負教練55分完成嘅寄望喇...

唯有俾心機跑好4月中另一個10K 啦！