網誌分類：集體回憶 |
下午睡醒巳經是一點多.
捕在電腦前是我一向的習慣, 看看我那幾塊田, 看看朋友給我的留言, 看看朋友們的動向.
在差不多的時間便開始裝扮自己, 預備出發今晚的晚飯.
今天是爛Gag王小強正日生日.
而今年度我實在沒有時間給小強整任何的禮物, 其實我是想到整甚麼, 只是那禮物要超多的時間. 這陣子的我實是抽不到這麼多時間坐定定. 所以我便安排一餐他們比較少品嘗到私房菜予小強.
這私房菜的資料是在Blog朋友Rudy那兒看到的. ^^謝謝Rudy好介紹.
私房菜是要準確人數去訂位在不會浪費.
好不容易齊集各人的確定, 反覆看看菜單是否合朋友們的口味.
跟私房菜的大廚早在一星期前傾談菜單.
雖然這頓晚飯不算是甚麼禮物, 但都希望朋友們都能食得開開心心.
不過Emily因為有事未能出現, 希望她快點無事, 跟我們再去大食大喝.
是日主角~小強叻叻~
由家出尖沙咀真的可以有好多方法.
那一個方法會快一點?? 我都不太知道. =口=’’
本想打電話問下Jojo個蛋糕點, 點知一喂, Jojo就大叫我個名=.=’’’
咁咪會比小強知係我囉…….點知原來Jojo叫小強自己去取自己既生日蛋糕…..
經過車站美心, 見到小強正在取蛋糕, 所以決定去嚇下佢~~呵!!
不過小強叫我先去找Jojo先, 仲話我一眼就會知Jojo喺邊~
出到地鐵站口, 見到Jojo……..嘩!!!又真係幾突出.
Jojo攞住一串10個氣球, 要是男生送比女生真係冧爆燈.
而小強收到就……哈哈~~(識小強就自己問佢啦~~)
響條街度攞住咁多汽球, 真係好多人望住.
不過咁幸福……比人望下, 小強都應該無所謂.
跟住係條街度join同其他朋友, 大家齊齊上私房菜的單位.
私房菜的地方不算大, 廳有2圍大枱, 一張小枱, 另有一間房有一張枱.
由於我哋未人齊, 所以就閒聊百家.
老板娘叫小強送個汽球比小妹妹, 原來小妹妺想要汽球, 想到差點要
妹妹有了汽球變得好開心, 跟住我們還送多一個比姐姐, 一人一個.
妹妹仲學會用個汽球打東尼仔個頭~~XDD
當Cherrie到來時, 便馬上送上禮物.
小強好感動, 感動到全晚都在不停地多謝Cherrie.
多謝到Cherrie覺得煩, 多謝到Cherrie對小強的多謝無晒感覺.哈哈.
好了, 人齊, 可以起菜~~~
第一道是玉米魚肚羮, 一上枱, 大家都 "嘩"一聲,
因為真係超級大窩. 而且仲好足料, 勁多魚肚~~
白灼蝦, 蝦好新鮮, 而廚師所調的秘製豉油配蝦, 果真一流.
而小強一讚之下, CC每一道餸都叫小強用那碗豉油一配~~~
結果就變左做小強專用豉油. 生日真係唔同, 連豉油都有得專用.
呢味豉汁蒸鱔又係令大家"嘩"一聲, 上碟成條頸巾似的, 賣相流.
而味道亦都好好, 蒸得剛剛好, 不過生或過熟, 亦有彈牙的鱔肉, 配上豉汁, 會令人想叫個白飯冧汁食~~ ^^
生炒骨, 我未食過這麼好味的生炒骨. 咬落不會有勁厚粉的感覺,.
亦不會有好多甜酸汁喺面, 而內裡的肉亦不會太乾. 好好味~
這一隻是我另加的 "天下第一雞", 聽聞好出名的, 不過下次到來是幾時, 所以加料.
雞好滑, 就算係雞胸位都會覺得雞肉好滑.
本來我將這薑蔥蒸蟹改為炒聖子的(怕大家怕拆蟹覺煩), 不過廚師忘了-.-'''
幸好大家都不介意, 而且還食得津津樂道.
食到蟹, Yan要先行離開, 因為她參加了盲俠行.
就係這個時間, 大家突然玩送禮物.
打頭陣有阿漢~一盒大大的.....小強拆完展示大家.....
又係"嘩~~~~~~~~"
因為阿漢送左28隻Kinder出奇蛋比小強. 真係夠晒浪漫呀~
跟住仲有名牌大波點底底同小波點相機帶.
三位男仕送出的都係波波蛋蛋, 果然有小強心.
拆完禮物, 開心左, 又繼續食嘢.
翡翠炒花枝, 有點點辣, 但很開胃.
金銀蛋扒時菜, 勁多蛋蛋蛋~~~
最後還有芝士海鮮伊麵, 不過食到這味.....大家巳飽. 因為每一碟都好大碟.
到我們食橙之時, 幾乎全部人都走了, 只餘下我們一枱.
在Devil's Cake上為小強提字, 當然唔會少隻曱甴~
詠恩同PK都嚟左, 齊齊同小強切蛋糕.
呢位就係何生, 我哋今晚既廚房.
何生好健談呢~~亦成為我哋既笑料之一.
有人問廚師幾多歲, 何生以好PR既手法回應左~~"我幾多歲？我個女都咁高啦~~'
要知道何生係無正面回應問題. 哈哈哈!!!
大家今晚都好滿意我的安排, 全賴何生的手藝好, 食得我們都要抱住個肚走人.
簡簡單單的一頓飯, 祝願小強~生日快樂呀!!
