"潛龍勿用", 有用無用你懂不懂

英 之 見 ： 後 市 關 鍵 在 油 價

美 國 監 管 當 局 正 逐 步 向 中 國 睇 齊 ， 繼 金 融 股 沽 空 限 制 之 外 ， 新 近 是 研 究 期 油 炒 賣 的 倉 口 ， 從 自 由 市 場 的 角 度 ， 無 疑 是 正 在 倒 退 。 原 本 看 見 這 樣 的 消 息 ， 一 定 是 趁 低 買 一 些 期 油 ， 但 自 己 手 風 不 順 ， 而 炒 賣 和 評 論 不 同 ， 評 論 被 挾 20 美 元 不 是 問 題 ， 自 己 則 剛 剛 斬 倉 輸 2 美 元 已 十 分 肉 痛 ， 重 新 再 買 平 了 2 美 元 是 有  數 ， 可 是 人 心 虛 怯 隨 時 跌 多 5 美 元 ， 這 個 市 場 的 波 幅 太 大 ， 戰 鬥 的 難 度 甚 高 。

油 價 回 軟 ， 是 現 時 升 浪 能 否 延 續 的 關 鍵 。 近 來 炒 股 票 甚 難 ， 以 昨 日 為 例 ， 自 己 原 本 作 為 重 心 的  生 （ 011 ） 趁 高 撤 退 ， 午 市 居 然 走 勢 甚 弱 ， 幸 好 是 一 邊 斬 期 指 一 邊 減 股 票 ， 否 則 隨 時 雙 重 打 擊 。


入 市 可 揀 國 泰 中 石 化


既 然 認 定 油 價 是 股 市 關 鍵 ， 不 想 動 腦 筋 可 以 索 性 沽 期 油 ， 怕 期 油 波 幅 大 ， 另 一 做 法 是 追 入 國 泰 （ 293 ） 或 中 石 化 （ 386 ） ， 至 少 成 交 夠 大 ， 不 幸 看 錯 的 話 也 可 以 較 易 斬 倉 。其 實 自 己 最 近 戰 意 相 當 低 迷 ， 走 失 這 個 升 浪 ， 主 因 是 大 部 份 股 票 欠 缺 氣 勢 ， 情 況 至 今 依 然 未 見 特 別 改 善 ， 惟 有 將 期 指 淡 倉 和 長 線 持 股 同 時 減 持 ， 保 留 較 大 的 策 略 彈 性 。 作 為 股 評 人 是 絕 對 不 及 格 ， 睇 錯 方 向 是 罪 大 惡 極 ， 但 作 為 投 資 者 ， 明 白 潛 龍 勿 用 的 道 理 是 十 分 重 要 ， 看 不 透 ， 忍 耐 等 待 是 十 分 正 常 ， 真 正 重 點 是 適 當 時 候 大 注 行 動 。 假 設 有 判 輸 來 打 的 能 力 ， 此 刻 正 路 是 逆 市 買 些 少 黃 金 。

作 者 黃 國 英 為 證 監 會 持 牌 人 士 ， 目 前 持 有  生 （ 011 ） 股 份 。

金融High Tea——壓住油價 炒高大象
2008年7月24日



港股乘住港股續彈之勢，昨日大幅高開374點，之後反覆向上，下午進一步上升高見23,135點，收報23,134點，升607點。現貨收市後期指再推高，期指收報23,260點，升829點，比現貨高水125點，成交70,132張。國企指數升406點，收報12,849點，大市成交增至757億元。
其實港股尾段都抽住上，滙控（005）在競價時段推上128.5元，升3%。滙控呢一浪十分有力，直頭有夾住來炒之勢，如果睇股價升幅，反彈比恒指更急。滙控將於8月4日公佈中期業績，一般估計應該係好嘢，不排除係炒緊滙控業績，呢一浪反彈第一波會反覆延展至下月初，食埋滙控業績呢個好消息。

中環茶友話，睇番港股走勢，呢一浪反彈好急勁，一條斜線開晒裂口咁上，中間唔肯回吐，如果要反彈上一浪跌市跌幅的50%，彈到23,700點都到，現價23,134點，唔係距離太遠，彈得急時難免回吐，追貨者不可不防。

戰爭風險下降中

油價前一日在紐約市最低見過125美元一桶，收127美元，油價從高位近150美元顯著回落，當中有啲人為隊落來的味道，當中亦有美國和伊朗緩和的消息來配合。

早前油價急升，其中一個炒作因素是戰爭風險，外交圈子盛傳美國計劃支持以色列向伊朗開戰，不過熟悉內地情況的高人話，中國知道美國考慮支持以色列攻擊伊朗後，大為緊張，因為美國和以色列攻伊的最佳時機，應在7月底至8月上旬，那時正值北京奧運開幕，打起仗上來對奧運有好大影響，所以中國積極介入斡旋。上月，國家副主席習近平到中東出席國際會議，就是為美伊兩國做中間人，拉住雙方返回談判桌。

高人話，近日明顯見到進展，早前美國傳媒爆料，話美國正考慮在伊朗首都德黑蘭開設駐有美國外交人員的聯絡代表處，性質類似美國在古巴設置的外交單位，這是讓美國毋須與伊朗恢復正式外交關係，卻能讓美國派員進入伊朗的安排。

高人認為，這是一個善意表現，若果美國計劃向德黑蘭射飛彈，無理由仲派美國人去送死。伊朗方面回應正面，伊朗總統艾哈邁迪內賈德上星期表示，如果美國正式提出在德黑蘭開設聯絡代表處的要求，只要沒有先決條件，伊朗會作出積極回應。所以高人認為戰爭風險在下降中，只要未來兩三星期唔打，應該就打唔成了。若美國真的在出手推低油價，美伊和緩的氣氛亦有利油價回吐。

油價下挫令油股受損，但石化股、航空股受惠，中海油（883）跌1%、擁煉油業務中石油（857）升3.7%、主打煉油石化業的中石化（386）更大升5.3%。

航空股亦大幅上揚，國航（753）及南航（1055）升5.6%及9.9%。傳國資委研推動東航（670）及上海航空合併，東航股價漲11.81%；國泰（293）減持航機膳食業務套現，加上受惠油價回軟，股價升6.3%。

通脹侵蝕企業盈利

高通脹下生意難做，已經係環球議題，新加坡統計局昨日發表最新通脹數字，該國6月消費者物價指數（CPI）較去年同期上升7.5%，增幅雖低於預期的 8%，但仍在26年高位。香港6月通脹亦大升6.1%，香港有鄰近的內地支持吓，通脹仲低新加坡少少，新加坡的鄰國賣貨收足市價，所以新加坡通脹壓力更大，早前提高咗匯價都頂唔順。

高通脹難免影響生意收益，所以揀股要小心，現在首先受損的係交通運輸行業，繼國泰發出盈警後，九巴母公司載通（062）日前亦發出盈警，好多高用油的行業，相信業績都會受影響，最新進展係部份行業開始出現薪酬支出受通脹影響上升，維他奶（345）、屈臣氏爆發工潮，結果資方要調高待遇，維他奶面臨黃豆價格上升，再加員工支出上升，若然無法轉嫁給消費者，公司唯有硬食。

股票市場最吊詭的，是資金最愛炒前，若然壞消息證實，股價反為不跌反升，最主要係睇市場對負面消息，有冇足夠預期，若然市場預咗有衰嘢爆，負面消息出街，就係大戶入貨或平倉之時，現在交通運輸行業無景，市場已經預咗，跟住投資者要諗的，係究竟下一受害行業係邊個……。

陸羽仁