屋企附近活動的星期天

星期日爸爸傍晚要開工，所以我地今日家庭日，由於尋日出咗去太耐太攰嘅關係，朝早起身大家都係呆呆下，唔願郁。妹妹9-10瞓完一轉12點又嚟瞓多轉，我地唯有瞓下坐下等埋大小姐起身先一齊落街食飯。妹妹瞓到1點就起身，我地去邊到好呢.........好！過將軍澳中心開餐，又可以行下。到咗將中爸爸居然咁眼利，見到屈臣氏結業減價，咁又入去睇下，比媽媽發現有HEINZ米糊同雀巢米糊，媽媽D C9本色又出嚟，即係打比RED E 同 CANDY EE先，其他都無咩平嘢，有都比人一早掃哂。有個關於奧運嘅泥公仔展，又走去影下相先。食完飯返屋企又要準備去游水，今次用CANDY EE送嘅水泡，好彩有CANDY EE一同送嘅泵，否則媽媽又要斷氣。

妹妹今次落水連warm-up都唔使，一落水就嚟玩，我同爸爸"喱埋"都唔會搵人，自得其樂，全個池最細就係你，比起其他大d嘅BB，你就最淡定，不停踢水不停飲水，媽媽真係想買水袖或救生衣比你試下會係點。

個日游水有個哥哥7-8歲度，好鍾意同你玩，小朋友真係好天真，佢見到你撻痣就不停用手細細力去"r" "r" "r"同你SAY HI，佢雖然無問同笑妹妹，但睇在媽媽眼裡個心真係好痛好唔開心，媽媽唔想妹妹受到傷害，比其人小朋友笑，今日呢個唔笑，唔代表其他小朋友一樣會唔笑，原來我真係會介意，更可況係妹妹自己！媽媽更下決心儲錢同你整走去。

妹妹，你幾時先似返個女仔？


呢個泥公仔幾有美態！


做呢D手工嘅人真係好叻，好有心機。


奧運！奧運！媽媽都好期待，媽媽鍾意睇跳水、排球同體操。


妹妹好鍾意坐呢張櫈，自己坐定定玩TISSUE。一路玩一路等媽媽餵雀仔，筷子一到就會張大個口仔等食，到走時爸爸抱佢起身居然鬧人！


試下個新玩意先，嘩！真係好大個，不過又會好玩D，D水可以停係個凹位度。


媽媽：妺妹，你媽媽呢？
妹妹：.........
爸爸：妹妹，喂！妹妹！
妹妹：.........
妹妹：鴨鴨，我帶你嚟游水，唔使驚架！妹妹都唔驚！
媽媽&爸爸：妹妹......妹妹.......喂！望下我先LA！
妹妹：...........
當日佢真係咁，視線範圍唔見咗爸媽都無搵過！真係擔心你識唔識搵人？


WAKAKA肥妹！睇睇下對眼同埋個嘴仔好似肥版八爪魚咁嘅！