廿二個月的藍藍豬

不經不覺藍藍豬已經22個月了^^，藍藍越來越有主見，鍾意就鍾意；唔鍾意就你點迫佢都冇‧情‧講。  佢而家呢個年紀就最鍾意"模仿"，講單趣事比大家聽：藍藍可能留意到佢亞ma日日返、放工都將個手挽袋勾上手踭成個闊太look咁，久而久之佢就有樣學樣，放d玩具落個手袋仔，之後就放係個手踭度再扭下扭下個'law pat'咁一路同我地say goodbye一路行出門口(我仲同佢講"今晚早d返呀唔好玩咁夜呀下，佢好似好識聽咁，仲同我地講拜拜.... 爆呀~~~~)，真係笑到我地唔識收聲‧‧‧ 不過我要特別強調藍藍扭pat呢下動作一定唔係"模仿"佢亞ma架，佢亞ma絕對冇扭pat呢d特殊癖好架，真係唔知隻豬仔係邊度學返黎！

Ma mi祝藍藍豬日日都精精伶伶！