823@雪雪家

已經約左好幾個星期的食食食約會終於黎到喇，好耐冇見藍藍既書友仔Lu，難得一聚細有細既大混亂、大有大既食食食，爽呀！

雪雪個papa係酒店既高層大廚黎架，所以果日我地有幸食到羊架、乳鴿、雞翼及沙律，我唔食羊既都食左幾件羊架呀，果d醬汁真係正到呀.........真係好在藍藍識到雪雪我地先至有口福咋，唔知咁算唔算"母憑女貴"呢？

主人家雪雪

同一日出世的熹熹

(D人話)同藍藍有d似樣的彤彤

呢張已經算係藍藍同熹熹既世紀合照架喇 (如果要兩個都正正經經望鏡頭影張相，我諗難過中六合彩)

咁認真係度做緊咩呢？

原來係度玩緊煮飯仔

雪媽屋企隻狗仔T哥哥好鬼熱情好鬼鍾意藍藍架，成日偷吻(應該係強吻至岩)藍藍，又成日攬住佢(冇喇、冇喇、蝕晒喇、蝕晒喇~~~~~)

藍藍好鍾意踩亞雪雪架單車，眼瞓到癲都仲要踩，佢已經眼瞓到對腳都冇力放上腳踏，試過爭d碌到自己隻腳，當我叫雪雪papa收返埋架單車時，藍藍喊得好淒涼呀......

香"車"配美人

尾聲影大合照時藍藍已經"妞"緊眼瞓，所以下面果張相已經唔見左我地

最後鳴謝熹熹爸車我地返屋企，一上車唔夠四分鐘藍藍就喇！