呢套都叫戲?!!

我之前見啲廣告攻勢好勁, 而且都好多年冇呢類片種.......最重要係慕名而睇 (司徒法政係我有印象中, 罕有被High Court接納成風水証人.....諗住有啲料嘅)。 

好多年冇俾人揾個咁大嘅笨啦 ~~~~ 「怪談」: 超班六星級槌仔片, 我喺戲院內有遙控實轉台....仲係半小時內!!  嘥晒我大好嘅Sat. night

優點全無, 呵欠頻頻:

1.  扮documentary, 但扮得太粗劣, 啲場口好假

2.  基本上乜都映唔到, 得班「演員」喺度自說自話, 但演技太過九流 --- 無論扮驚, 扮受傷, 扮中邪......都超假。  我已經盡量投入啦, 但係........

3.  揾埋啲「所謂」泰國巫師, 一睇就知係「老臨」, 仲係收好平嗰隻.....

4.  成套嘢鬆郁朦, 鏡頭搖來搖去扮documentary效果......但只係做到坐完水翼船咁feel ~~~暈浪!

5.  內容碎濕濕, 散收收........ xyz#$&, 我求其發個惡夢都完整, 緊湊, 驚慄過佢

6.  咁Q悶同冇內容嘅戲, 憑乜三級呢?~~~~~呢點係最令我反感嘅~~~~全靠:

* 請幾個泰國癲佬用極度殘酷手法生劏or生食雞/魚/青蛙 >>>> 血腥 + 核突

* 最「低庄」係揾個泰國人妖 (佢話呢個係陰陽人法師喎.....當人冇常識嘅, 陰陽人同化粧化到Boy George咁, 隆埋胸嘅人妖點同呀? 生理結構都完全唔同!! ) 同個女人幕前「衣泣」一番, 話作法 ~~~~ 掛羊頭賣狗肉 >>>> 想色情....但係捉錯用神, 因為除咗嘔心之外, 全冇咸濕feel 

7. 套戲頗為醜化泰國。

永遠懷念「奇趣錄」、「蜈蚣咒」、 「紅鬼仔」 ......