我真係唔明

我真係唔明...

點解d 學生咁怕俾老師影學校既活動照？

佢地見到老師拎住部相機，就硬係要擰咩面…

一係叫老師唔好影，一係dup低個頭，

一係企去人地後面遮住自己....................

ｄ學生仲成日問我：會唔會o係學校放出黎架？

其實會又點？唔會又點呢？

我成日見到ｄ學生起facebook 上載自拍照…

三七面、扮可愛、生活照… 應有盡有！

但係點解佢地咁怕老師幫佢地影相？

我真係唔明囉！

事實上我好唔鐘意ｄ學生咁唔合作，

影張相o者… 好似攞佢條命咁，

有時我燥底起上黎真係會發火鬧學生。

想當年，自己不知幾enjoy 俾老師影相，

仲要爭取上鏡機會，就係因為以前學校冇咁多活動，

影相留念，係一件開心既事，影得靚唔靚係另一回事，

最重要既，係記錄開心既回憶。

而家ｄ學生… 唉！

我真係冇野好講，唔明佢地咩心態。