史無前例咁差既銀行櫃檯

今日幫公司去富邦入數, 見識到有史以來最差既 Teller.
約莫等o左一個人就埋 Counter.
埋到 Counter, 我將疊現金同埋填好既入收紙俾呢個史無前例咁差既 Teller.
呢個女 Teller 好輕挑咁數銀紙, 跟住又懶係o野咁將張入o左機既入數紙拋係櫃台, 跟住又施施然咁拎起張入數紙一開二, 想俾返張底單我.
但係佢做得衰, 做錯o野, 俾o左張面單我.
但係哥時手交手, 佢手快搶返.
我由開始見佢咁做o野, 已經勁唔妥佢, 而家俾我捉到正佢做錯o野, 咪當堂黑面俾佢睇.
佢表面同我 Say sorry.
跟住俾票佢入, 佢仲係咁, 唔肯正正經經放底o野, 係要亂咁飛單, 一路做個樣都衰衰格格.
正常 Teller, 會入完一張入數紙, 撕開底單, 分開放, 最後將所有撕出o黎既底單俾返個客.
呢個女人, 扮晒o野, 入完晒先一次個撕, 結果又做錯o野!!!!!
佢夠膽死將渣入o左既支票同埋疊底單一齊俾返我!!!!!
對住佢真係火起!!!!! 今次我手快, 搶o左渣支票同底單.
我拎住渣支票同底單, Hold o左幾秒, 勁黑面堀住佢, 佢又 Say sorry.
我堀完佢至俾返渣支票佢.
哥刻我真係勁想拎住渣入o左機既支票投訴佢.
咁既工作態度, 擺明唔想做, 係唔想做, 我都唔介意送佢一程!! 我當日行一善o架咋!!
下次再係咁, 冇面俾!!