得把口都算專業?!

唔經唔覺o係M記做o左二個幾月. (街外人叫我o地 M記)
工作同人事都習慣得八八九九.
做下 Bookkeep, 又做下 Admin., 好快一日 ... 好快一個禮拜.
完全生活o係無壓狀態.

初初反璞歸真, 做 Bookkeep 好唔慣, 覺得好悶, 但一個月後開始適應. 
(絕大部份坊間請所謂既 Accounts, 都唔係 Accounts, 係 Bookkeep. 個人覺得, Accounts 既層次唔應該只係入數.)

感覺冇初初返工咁悶係因為 ...
一o黎做o野既節奏調慢o左, 唔再好似o係九龍行咁, 死 put 爛 put .
有多餘時間就會諗返之前讀 Audit 教過既 Internal Control, 諗下點 Apply o係呢間公司度.

<好記得一間公司盤數做得好唔好, 都幾睇佢既 Control environment set 得好唔好.
Control environment 六大元素︰Independent check, physical control, segregation of duties, proper documents and records, proper authorization and competent, trustworthy personnel.
老實講, 請著好似之前咁既 Accounts, 真係已經滿足唔到 competent, trustworthy personnel, 而因為請著呢個不負責任, 唔識扮識既 Accounts, 結果連 proper documents and records 都 Fail 埋. (無啦啦將渣 Insurance expenses 入去 Prepayment, 拆十二個月續個月出數, 都可以扣多數, 攪到淨低哥幾個月唔夠扣. 仲有佢唔識入 Disposal, 走去教老細齋 written-off 個 NBV, 掛o左個 Depreciation 同 Part of the cost of the asset o係個 Assets Account度. 老細錯誤理解地, $10,000 cost - $10,000 depn = Balance sheet 見 Asset 係 $0, 已經叫成功 Disposal o左件 Assets. 仲有, 佢將個 Loss on disposal 入落去 Repair and maintenance. 係咪 O 嘴?!) 個個烏 sir sir 聽佢點, 結果當然冇人 Independent check 佢入既數, 更加冇人知要 segregation of duties. 最經典係, 呢個 Accounts 連 keep petty cash 都可以少o左百幾蚊 , 跟住走去問返 Claim 哥個同事係咪 Claim 多o左, 咁前無古人既人, 真係都唔好講咩 Physical control 啦 ...>

二o黎我開始識得用多出o黎既時間, 自己研究以前讀過但甚少實踐既 Cash budget, Accounting Ratios, Inventories Level ... 我會諗, 如果我係 Management, 我會想睇咩資料同數據呢?? 自己摷教科書, 再返公司用公司既數做實驗. (新公司既關係, 老細請我既時候問過我, Management 要睇咩 Report.) 因為可以研究做咩 Report. 同埋, 我對住上年報既 Profits tax return, 夾返個 Tax computation 出o黎 ... 所以時間又好打發o左 ...

三o黎我老細比起頭一個月, 剛剛過去哥個半月少o左o係公司. 好多時, Lunch 之後就出o左去, 得返我同小雯. 我同小雯做下o野, 傾下偈, 好快就放工.

係呢間公司做o野, 係小雯比較主動提點我, 但冇人真正教到我o野 ... 好多時都係自學.
比較有得著算係 MYOB, 識o左 Set payroll interface 同 Inventory autobuild function.
而臨近年尾, 公司埋數, 成日要做 Stock adjustment, 諗多o左點 Handle Stock 既 adjustment. 點貨少o左貨入數冇難度, 但如果多o左貨點做. 點樣用 Inventories value 做靚盤數, 但又唔駛交多o左稅 ... ...
係呢間公司做o野想學到o野, 真係要靠自己 ... 諗多 D ...

十二月埋數, 而家陸陸續續抽返前 accounts 入到古古怪怪既數出o黎改得就改, 廢時三月 Audit, Auditor 搵我祭旗.

點解呢個世界咁多人鐘意唔識扮識??
真係!! 唔識唔問人都可以去 Yahoo!! 知識睇下 ... 係都要亂咁o黎 ... 入埋 D 數等人執!!
對住呢盤數, 有時真係好有衝動走去同老細講︰「入數唔係入到兩邊 Balance 就
叫入得o岩囉!!」
唉 ... ... 嘔晒血!!!
如果得把口都叫專業, 咁 ICPA 執o左乜世啦!!!!!