人善被人欺?! No way!!

放工返 HKSC 拎文憑.
等o左十世既文憑終於拎得, 琴晚通知, 今日返去拎.
佢再出唔到文憑, 會打電話去投訴.
投訴佢阻住我申請頭四科 exemptions.
辦事不力!!
改卷咁慢已經累到我報唔切十二月考 PBE!! >.< 死人頭商專!!
本來話文憑同 Claim CEF $10,000 既 Letter 一齊拎.
點知 Receiption 同我講佢o地出錯o左, 未拎得住.
開始冒火之際, 我按捺住, 提議佢o係我張 CEF Claim form 蓋o左校印先, 再後補寄返封信俾我.
人善被人欺, 初頭個 Receiption 唔肯, 諸多藉口.
後尾火滾, 同佢講我住係天水圍, 要我再突登走出o黎拎佢一封信, 浪費我時間!! 何況今次係佢o地出錯, 係佢o地自己無 Check 清楚就叫人去拎, 攪到咁, 無理由要罰我再去過.
無幾耐, 主任走過o黎幫手個 Receiption 游說我.
我黑面同主任講返同一番說話.
個主任話個校印要等封信到學生手先可以蓋.
火火o地, 掉低張 Claim form, 同主任講, 我留低張 Claim form, 咁出o左封信就連埋蓋o左印既 Claim form 寄返俾我.
主任見我咁, 怕o左我, 俾個信封我寫低地址.
臨走, 我同個 Receiption 講, 攪掂寄出前打電話通知聲, 如果唔係寄失o左, 唔知邊個負責.

呢個世界真係人善被人欺係真o架!!