Playgroup 試堂 + 名店 window shopping

2009年10月17日, 星期6, 晴

今日嘅行程, 相當之緊湊, 首先係要上中環半山去試堂 (多謝慧慧媽咪報料).  不過我係去玩下咋 (免費架麻), 同埋主要睇下Meow Chu 依家返一般嘅playgroup 會係點嘅呢?  可能我地被安排上1-2 years 嘅班, 所以班中大部份嘅baby 都唔識行.  Meow Chu 自然同佢地無乜交流啦.

至於個playgroup, 可能因為要比家長好多環節嘅感覺啩, 樣樣嘢都好趕咁, 同埋見到其他父母都好落力咁要個baby 跟老師做呢樣, 做果樣, 我覺得好唔慣呀 (其實我以前都可能係咁架).  我諗係因為我自己慣左上蒙嘅playgroup, Meow Chu 係自己做想做嘅嘢啦, 唔會有人迫佢跟老師做嘢啦 (即係佢亞媽我都唔洗做, 齋睇咋, 妳話幾嘆呢!).

上完堂, 仲係半山條路見到慧慧一家tim, 不過佢地趕住上堂, 傾左兩句就走啦.  跟住我同Meow Chu 就去Prince's Building間 Cova 買蛋糕.  買完蛋糕, 經過媽咪以前成日行嘅Landmark (因為以前公司係樓上, 係返工, 放工經過咋), Meow Chu 都唔執輸, 嚟個名店嘅window shopping 先.

妳話我個口大, 定條鱷魚個口大呢?

Black & White, 係咪同我好襯呢!

媽咪, 呢個髮夾好靚呀, 不如買返個比我威下啦!

Window shopping 完, 我地就搭MTR 去牛太屋企大食一年一度嘅大閘蟹lu.  點知係地鐵站行行下, Meow Chu 一時興起, 要跳表演一下鋼管舞喎. 

我嘅舞姿得唔得呢?

再嚟過憂鬱look, 夠唔夠殺食呀?

呢個陽光少女look 又如何呢?

係荃灣地鐵站等埋Meow Ba, 佢仲問我咁快同Meow Chu 換埋季tim 啦.  跟住我地就一齊搭Van 仔去牛太屋企啦.