回港第四天 11月15日 - 早午下晚四餐

11月15日  回港第四天   早餐 --- 五谷香粥店 @ 銅鑼灣

原本想同老爸去"忠記", 去到先知執鬼咗~~

唔係呀嘛??!!

老爸幫襯咗好多年, 生意又好, 老爸話只係個多月無去啫, 無啦啦點會執咗架??!!

之後求求其其去咗呢間粥店

水準奇低, 米粉雖然炒得乾身, 但無味無料, 好似食緊無味白粥咁;

粥底唔靚, 配料唔夠, 無下次啦!!!!!

午餐 --- 稻坊 @ 長沙灣

食完早餐, 便過海揾彭小姐.......

為咗就老爸同彭小姐老豆(佢兩個至鐘意食中餐), 所以就去咗稻香集團既稻坊飲茶

d 點心都唔錯呢!!!

呢個係得過唔知咩嘢獎既炒飯, 用上石班來炒飯, 魚滑飯香, 讚!

下午茶 -- 華鴻堂 @ 長沙灣

飲完茶兩個鐘頭後, 無錯, 又去揾食

先來盅龜苓膏

我真係好鬼鐘意食呢ｄ街邊燒賣 + 辣椒油......正!!

整多碟腸粉

my show time!! 再黎多碗楊枝甘露吖唔該!!

晚飯 --- 大户屋 @ 銅鑼灣

"大户屋"的前身是原本佔兩層樓的"魚一丁", 現在"魚一丁"縮為一層, 其中一層變了這間"大户屋"

"魚一丁" 我幫襯過無數咁多次, 所以就試下呢間"大户屋"~

兩間餐廳走既路線差唔多, 但"魚一丁"就好食好多!

無咩好寫, 總之下次唔會再幫襯!!