搞結婚.....

朋友結婚搵我幫佢手做伴娘, 心諗未試過試下睇下係咪咁好玩都好喎.

新娘子送左套晚裝比我, 係度身訂做既, 我本來都話唔使做, 租咪得囉, 點知佢話冇所謂, 最緊要靚喎.

做左出黎個新娘子話著得好睇, 我就覺得"周身唔聚財"囉, 其實可能係因為我少著裙啫. anyway 唔緊要啦, 最緊要佢話好, 唔會失禮佢就得喇.

我重有一個重任就係要幫佢搵結婚當晚係酒店用既 Background music. 新娘要求都幾高, 佢想要既歌都唔易搵  佢後日結婚, 今日仲幫佢搵緊歌, 冇辦法啦, 唯有希望各方好友幫下手啦!!!

結論係: 結婚好煩!!! (好在我有排都唔使搞唧)