我終於睇清楚呢個人

6-9個月之前,我因為工作關係想問一個綽號 “射手”既人,幫我攞份頭條日報,同剪份coupon比我,佢係度係咁講 “呢d完全係你自己問題來架”,仲要係咁推,我真係好嬲,我同佢識左好耐,呢個人成日一齊係球場打波,我地係打波識,叫佢做少少野都係咁推我,我完全聽清楚呢個人

呢d咁既人唔識也罷,佢唔係第一次係咁樣架啦.之前我叫佢幫我手做少少野(唔記得做咩野),佢就係咁話, “咁又關我咩野事呀”, “咁都唔關我事架” (雖然叫佢幫我做d咩野我自己都唔記得,而且都應該係2-3年之前既事,但佢講呢句說話我記得清清楚楚),我聽到佢再係咁少少野都推我,我即時覺得呢d咁既人真係唔識也罷,我即時cut左佢線,之後佢每次打來佢第一句都未講,我就cut左佢線,係球場打波個陣,我連一句說話都無左同佢講,連一眼都無望過佢,就係咁過左差唔多一年,我地都無再同佢講過野。

老實講,如果我叫佢幫手既係,之前ive學校,或者係而家做野既同事或者機場同事等毫無相干既人,佢地唔幫我好正常,但呢個人我係識左好多年,而且佢屋企樓下根本朝朝都有得派頭條日報,仲有佢仲要同我住得好近,幫我根本係輕而易舉既事,連一個我唔識既但同我做同一間店既promoter都肯幫我剪,但佢同我咁熟,佢既然唔肯幫,我真係即時覺得呢d咁既人不知所謂

佢仲要係我屋企人面前做到好有禮貌咁,我屋企人對佢印象都幾好架,但無用呀,天使既面孔,但個人衰都無人有,可想而知佢個人幾假,所以話睇一個人唔可以完全睇外表,要睇埋入面