仲有兩日就食晒包 artemis 5lb, 本來食得好地地, 點知依兩日neko mali都屙軟便, 點算? 仲訂左大包 18lb artemis 成貓, 定應該轉返去 royal canin 呢?
artemis 成份已經有益生菌, 照計唔應該係腸胃敏感, 而且食左成個月先發作? 係咪protein太高?
仲有佢地食依隻糧每日都屙好多屎, 係咪即係唔吸收, 但食到肥仔肥女架喎....
唔知點好.... @@
P.S. hkcats 貓友話食得太多都會軟便 (有可能!), 我就唸緊係咪依個幾禮開冷氣吹親 (佢地鐘意訓係風口位).
Meow Meow Cat 2009-05-22 12:16
Hi, 見你講開軟便問題, 我隻小貓初初返嚟時都係屙軟便, 唔係肚屙嗰種, 係好似軟雪糕咁, 睇vet 後食咗抗生素(驚佢有菌), 杜蟲, 益生菌, 轉敏感糧, 啲便便先變番正常, 但當轉番食rc, 便便又開始軟, 最近再俾佢食番益生菌, 喱幾日先開始轉番正常, 小貓軟便問題真係好難搞。
見你話rc唔好, 但大多數vet都推薦rc或者Hills, 究竟rc有咩唔好呢? 寵物店啲人多數介紹食天然糧, 但問vet佢哋話未聽過天然糧嗰啲牌子, 信vet 定信寵物店好呢? 我睇過好多書 (係獸醫寫嘅)都話貓要放長糧, 因為貓是獵食性動物, 要小食勤餐, 餵兩至三餐一日太少喇, 尤其係發育期嘅小貓添。
Neko & Mali2009-05-22 13:34
我覺得一來 vet 代理rc/Hills 先會推薦, 二來係vet買的 rc/Hills 係同出面買的成份&用料都唔一樣架, 係出面買的最主要成分係 chicken meal, 唔係雞肉黎架! 而且計埋佢地食量, 餵rc 同 artemis 價錢真係差好少, 咁我寧願每個月慳多幾蚊俾佢地食好d啦
我隻貓仔之前餵完抗生素肚屙, 食益生菌好見效. 但今次隻糧已經加有益生菌, 仲要連貓女都軟便, 可能唔關隻糧事.
hkcats 貓友話食得太多都會軟便 (有可能), 我就唸緊係咪依個幾禮開冷氣吹親 (佢地鐘意訓係風口位).
暫時未屙水, 就再觀察下先~