燒賣仔病咗呀~仔呀仔~

昨晚一路都訓得唔好,原因係因為我隻貓係咁無lala勁流口水同鼻水.

我昨晚放工返來就上網,到10點多阿媽返埋來,咁我無lala留意到燒賣仔係咁好多口水流出來,我好驚呀~從來未試過咁.佢好似有d攰咁,佢流到好似個水塘咁.好担心呀,又唔知明天7月1 日公眾假期診所開唔開喎.之後check到原來明天都開,所以明早10點就打去book位.

我到夜晚成2點都未訓,見到佢好攰,又仲係咁流口水鼻水,我好心痛呀.訓得唔好.

到咗今早阿妹再提我要同佢去睇醫生,我話一定會去~佢先放心d.唉~~~燒賣仔係我最鍚ge仔,我點會由得佢吖,就算佢個樣好似冇咩事好返咁,我都會同佢去睇一睇ge.不過昨日白色果隻蝦蛟仔先睇完皮膚問題,仲要洗咗我阿妹成800大元.

咁一早就同阿媽ready好晒,約好咗11:45,準備埋個貓袋,2個人用咗比平日少一半ge力就捉到佢入去,如果平日冇病,燒賣仔,佢就會發晒癲咁仲要出埋抓呀.咁落去坐的士同佢去睇醫生.佢坐的士果陣係咁叫,真係大鄉里.

去到診所,我見到人地隻長毛貓,好定,仲要可以抱出來磅重,又唔會大叫.我果隻就係咁叫,姑娘叫佢出來磅下,我話佢好大力,會發癲,唔可以拎出來,就咁連袋磅下就算lu.

好快就到燒賣仔,入到去獸醫叔叔就叫我地放佢出來,因為姑娘話咗比醫生知佢好wild,所以就set好咗毛巾同頸罩比佢.姑娘話要同佢扮靚靚,打返個結.hoho
咁我就話昨晚個病況比佢地知,咁傾咗一輪,獸醫叔叔話佢係"cat flu",可能有時有d野刺激到佢就流口水,同埋flu果d病徵引起佢有running nose & red eye lip,今次冇大問題,跟住醫生就問我地想食藥水定藥丸,咁我問姑娘,以佢咁wild,咁食咩會容易d?咁姑娘話先比藥丸我地,如果真係好難餵,先拎返來換藥水,因為藥水好貴下.then獸醫叔叔同佢打咗支1ml抗生素,估唔到衰仔,又會定一定咁比人打針喎,仲要比人探肛同打開個口.今次都算係咁la,叻仔~!

到咗走得,我一打開個袋,佢走都走唔切咁一支箭走咗入去lu.

我仲買咗一支餵藥捧,今次用咗$410~唉~~~~加埋昨日果$800多,總共$1210多呀~~~但係為咗佢地多多錢都要比la.(仲貴過我自己睇醫生呀,我都係簽公司單je,個2隻野真係幸福呀~~~我仲要為咗佢地而放棄咗我抽中獎果2支usb呀)鍚晒你地la衰仔.