考車忘憂之行

唉....今日考車衰o左....仲要係自己好白痴咁衰....有唔開心過...不過已經無事....最起碼我出街好ok....一路我都係驚掉頭....點知真係衰呢度....唉....另外衰o既係自己太大意....一直以o黎無衰過所以跟本無諗過會衰o既地方....點知未出街就知道死o左...好無心機....不過我都好俾心機行晒全程....拿拿聲雙手奉上 o左我半個月糧....好心痛...下次一定要得.....不過好大壓力呀~~~

今日咁唔開心...我食o左好多好肥o既o野....雪糕啦,pizza啦...食呀食....下午又去o左下白泥行下....無晒事lu~~~

今日post下d開心o野先....

暫時我所擁有o既迪迪尼貼紙....有好多都有重複....大家可以同我換~~~原來睇人地blog迪迪尼係有好多貼紙仲有好多其他無得賣o既o野儲架....都唔知d人點儲返o黎架...哈哈...我順其自然,睇下儲到幾多得幾多...我而家爭取每次都做訪問,攞d特別o既禮物~~~

以下呢D相係我用手提影o既...我明明帶o左單眼仔去...點知又再一次好白痴咁無帶sd咭...所以有機都無用~~~不過用手提影都好靚架~~~如果用單眼仔就仲靚啦...下次好天再去影過~~~今日都睇唔到咸蛋黃~~~

未去到下白泥,我地停o左車係海邊....望落下面見到條死o左o既鯊魚....

係水邊見到張好有型o既櫈.....

下白泥我到此一遊~~~

好靚o既picture~~~

日落lu....不過今日無咸蛋黃睇~~~

舊雲好得意...我話好似龍捲風~~~

其實係飛機飛過....不過濕度高就會形成呢d雲~~~

其實呢度唔係下白泥....我地買o左pizza...跟住去o左教院運動場附近同d大蚊蚊一齊食....(近小白露餐廳)...

為o左某人要求,我加o左呢張相....相中人為我表弟(肥仔),另一個係高佬(某人是也)