失竊夜驚魂！

2009-10-22

週四會計餐

26℃，濕度70%，秋風送爽但並沒有星期三般大風

今天學員人數不多，有11人，當中有兩位女學員Zoe及Fanny，及兩位影子隊。

餐單是 : 1K X 5
      
               小休

                400m X 12

教練會計要求：『頭5隻1K最小要4'00"，合格時間為 3'30"！』(汗顏)

由於今晚欠缺快馬，第一集團由肥虎、阿樊、茄子互有領先，二強因週六有比賽要留力，與方仕漢緊隨後。

值得一贊兩位新學員 : 新學員Sam快得嚟想當穩定，平均不需3'35"/K，相信他熟悉了其他學員之步速後，會有更大進步空間。
第二位是新女學員Zoe，第一隻1K已經跑4'04"！學員們均不禁鼓勵 (唔好嚇親人)

我自己都唔弱，食到4隻，頭一隻更做到本季最佳時間3'54"，大喜！

小休後是12隻400m，由於天氣涼咗，大部份學員都食到9隻或以上，再加上後半段有久違了的牛牛及兩位影子隊成員加入，帶動著氣氛。

Cool down 時我自編自導自演一幕《失竊驚魂》，幸證實只是思覺失調發作，虛驚一場，沒有損失。

事原係，練習後我打開Lock，發覺內裡竟空無一物，但密碼鎖卻完整無缺，大驚下以為自己被爆格，驚動了跑友及場地職員。我向職員展示那個仍然上鎖的[009]號locker，打開鎖後內裡空空如也，形成密室爆竊事件！正在檢查[009]locker左右兩邊locker有冇古惑機關時，打開[009]locker右邊的[013]號locker時，驚覺我啲喺晒[013]號locker！眾人即時媽聲四起！

真相大白！其實我一直都係用[013]號locker，中途取物時，掛住同人傾計，蓋上locker後，將鎖鎖上隔離個個[009]locker，而自己只認鎖，不認locker number!

攪咗半天，與大一伙兒到【仟億】開餐，儲新雖未有練習，但一直在場邊等待至十時半，誠意可嘉。

新的練習記錄，留意人名是打上去的。排第一的是肥虎！

某女跑手名字不在名單之上