黑頭小芒生日會＠大棠

星期日係黑頭同小芒既生日會，我地貓家好榮幸能夠受邀出席，真係好開心呀！呢句係真心話呢架，唔係客氣說話，因為好少參加生日會，係唔需要我幫手整野，仲有咁多好野食呢，你話係咪開心先！

壽星仔１號盧小芒

壽星仔２號林黑頭

兩個壽星都打扮得咁型仔，好彩我貓兒都唔輸蝕，戴番條小紅巾搶下鏡！

是日都有好多小朋友參加，有：

乖寶寶毛毛

懶美人小嬌

原來係大隻 b 一名既朱古力

細佬

樂樂

餅妹

王勁威

呢兩個住 o係懶人村既小朋友，真係好鬼懶呀，都唔出去跑下！

今次黑頭媽同小芒媽好勁呀，準備左好多野比小朋友食，賣相仲好得添，睇到我地 d 大人都想試下食呀！

小丑蛋糕，由小芒媽主理，睇得出整既人好有童真！Wakakaaaaa！

大人仲勁，勁多野食！

最開心就係有冰凍既可樂呀，我真係愛死黑頭媽！

兩個壽頭切蛋糕前一齊瞌埋眼許願！

呢個乞兒仔，好似我平時無得比佢食咁，食到無哂儀態！

食到飽飽，有氣有力，終於肯跑下喇！

跑左一陣就頂唔住，又要趴 o係度霸住個水兜，好鬼無用！

小芒似唔似”青蛙王子”呀？

o係綠油油既草地影相係特別靚既！

大家坐o係度傾下計，食下薯片咁，好快樂！如果個個星期都有呢 d 生日會就好喇！

黑頭著左 ted ted 件衫，估唔到佢都著得落  bor，不過有 d 迫爆衫既 feel！

大合照！成班小朋友盛裝出場，不過呢 d 相好難影，因為個個都唔會望鏡頭！

佢地三個矮仔 o係度鬥緊呀！鬥咩？咪就係鬥矮囉！Hahahaa！

快樂既時間過得特別快，又係時候講 bye bye 喇！希望下次再有小朋友約我地貓家去佢既生日會啦！