多啲親近大自然

        端午節呢日,本身同朋友約好去睇龍舟架,不過訓過龍,龍舟都爬完low，都唔識起身！唯有約過la，就揀咗去濕地公園。

        一入到嚟，就先望下只鳄鱼仔貝貝la，不過呢只可愛的小朋友要訓晏覺啊，無計la，又唔可以嘈醒佢wor，只能向前行，繼續找尋寶物！

        係呢度可以近距離接觸呢啲小生物，好興奮，好開心啊！因為係度我睇到細細個夏天經常見到周圍飛嘅昆蟲，其實我真係唔記得咗佢叫咩名，不過我影低咗落嚟，睇下有無人識佢！

         就係佢喇，綠色的小甲蟲類，不過我好驚佢會飛過嚟！

仲有呢兩只水曱甴，睇住佢係度游下游下，真係好好玩啊！好想捉出嚟摸下係咩感覺，不過工作人員唔會被你捉佢嚟玩嘅喇，諗下就好la...

仲有佢啊...呢只名符其實嘅毒蜘蛛，差唔多同我只手掌咁大，真係好恐怖！好驚佢噴啲毒液出嚟，對眼就真係無low,可能距離太遠了，影得唔夠大，想知下次係邊度揾佢，記得係觀鳥屋附近嘅紅樹林度就可以見到呢位朋友la！

        今次旅程都算有少少驚險，但係都值得，因為有咁多收穫！呢度只係少部份相片咋，歡迎大家到我相簿度瀏覽！

         行完濕地公園，就去揾我另外一個好朋友食飯，突然之間話要揾佢食飯，佢仲以為我玩佢添啊，因為已經到咗食飯時間喇，先約人食飯，而且屋企仲煮好咗飯添，我呢個好朋友都唔話得了，唔理媽媽果餐幾豐富都好了，最後都係決定陪我食晚餐！haha...原因都係我逼佢嘅咋！

           其實都唔算逼嘅，朋友有啊嘛，約你食飯，你係要賞面先得架！

之後我哋就行咗下公園，入邊有幾只好巨型嘅盾龜wor

(大華送俾我嘅^_^)

        因為係晚黑八九點了，所以啲盾龜需要恒溫燈增加體溫，所以睇落好似有少少恐怖片嘅感覺！你睇完張相可能都唔知佢原來佢就係盾龜wor.因為我睇咗好耐，都唔覺得佢邊度似龜

         之後我哋兩個仲去咗海邊嘆下海風，果陣就真係覺得我嘅人生好寫意了！