醫生與車

今次講講醫生架車的常識。

醫生車有三個特點：品牌、車牌、嘜頭。

品牌

醫生出名怕死，揀車當然以安全為主要考慮，好似坦克車咁撞唔散就最好喇，表表者是舊 Volvo 和 Ben-屎 S-Class 等 Lolando 車款。

曾見過的士撞 Volvo，的士個頭散晒 total loss，Volvo 乜事都冇。

隨着 Volvo phased out，加上私家車安全設備提升（例如一撞車就即時彈出九千幾個安全氣袋、安全套、安全護罩等），醫生的選擇也多了，但始終離不開 Ben-屎、凌志和 Audi，較型仔的醫生會揀歐洲 coupe、寶馬或 Jeep 仔。

上圖係尿籮揸過嘅車。

車牌

唔駛講，醫生一定揀 DR 字頭，號碼就要 1、2、6、8 之類 — DR1628，貪佢俗氣得嚟够浮誇嘛。

（幫你醫病個 Dr 嘅志願係「一路易發」，你會點睇？）

嘜頭                                     

認住哩兩個嘜頭，醫生會掛係車頭的水箱護罩上來突顯身份。

右邊果個係 D 學會嘜頭，是 D 生「維威喂」組織，活躍會員多屬有江湖地位的私人執業 D 生，包括專科 D 生及大 GP（「德高望重」、生意興隆的非專科 D 生），聚在一起是為了方便互相轉介及輪流上電視、上電台自我宣傳，一於齊齊 DR1628。

字數：差不多 500 啦