星級廚房

犀利喇!上到周中師傅嘅<星級廚房>,知唔知道犀利在邊呢?就係<星級>兩個字喇,唔係星級又點會成為座上客呢?當日我同阿感一路食一路吹水,講自己煮野食幾得,師傅就睬我地都哂氣,冇計啦,班門弄斧...師傅更係唔睬我地啦!

師傅!你咪當我流架!我真係食過下夜粥呀!你睇我刀法如神~我斬斬斬斬斬!
唔講得笑架!
唏!唏!嗄...嗄...好攰呀...


師傅:「劏魚邊係咁劏架!學野啦!」
颯~颯~颯~
咁咪得囉!


我夠識啦,我頭先未熱身姐,你睇我,幾快切到一舊舊,幾整齊?(其實師傅一早已經切好左...)


落鑊炒更加難唔到我啦,你睇我,駕輕就熟,阿感睇到眼都突埋,就知我有幾利害啦


師傅:「你煮野專心d得唔得?」
學你姐,師傅~
師傅:「.................」


大功告成!呢味菜嘅學名就係"子薑仁面魚頭煲"


師傅死唔信我刀法如神,我就表現多一次你睇,我切腎片個陣呀,你都唔知係邊呀!
師傅:「咪係你隔離囉!d腎片切好架喇,你切花就得喇」
.......................


感:「唔好嘈,一人少句,一人少句」
師傅:「一人少句?我識喎,從頭開始~少說一句嗎~你也可以捍衛友誼吧」
識野喎師傅,首歌好野黎架!見你識欣賞d正野,今次打個和啦!


完成!呢味菜個學名就叫做"腰果炒腎丁"喇~

p.s.第一集星級廚房聽日就會係無線收費台到擺架喇,大家有機會就支持下啦!