數碼電視高清機頂盒

最近屋企換了部電視，然後部「奧呢肥牙」數碼電視高清機頂盒就用唔到，後來發現係因為要接過條勁天線至可以收看節目，於是就有幾日無辦法睇到我最鍾意J2台。事關依家每日返到屋企主要節目就係追看J2電視節目，包括逢星期一、二10:30pm播《花樣男子》，之後就趕住轉去高清翡翠台睇《射鵰英雄傳》，然後又轉返去J2台睇即日重播《惡作劇2吻》，睇完已經凌晨點幾鐘了。所以你話如果冇個機頂盒係幾咁大件事呢！

好彩三日之後，機頂盒又回歸我懷抱，不過最返經常發生一件事，就係有陣時睇睇下部機會突然reload，總之搞到個預校錄影成日錄唔到，唔知係機頂盒問題？定係個高清廣播出現斷續問題呢？