開心週末

話說在星期五帶心肝女去覆診時，寶貝仔不知就裡，以為我帶家姐外出而置他於不顧！當我趕住出門口時，個儍仔拚命咁往外擠，竟然比我還更先奪門而出，仲以極之企盼嘅目光望實我。此刻唯有狠下心腸勒令他返回屋內，這是頭一遭 Ja B 心生不憤咁獨自在家中吠個不已！捨不得，不捨得，卻不得不捨他而去！本以為睇完醫生之後，屋企必定遭寶貝仔大事破壞。可能個仔大個咗又生性咗，回到家中時竟然冇事發生，真抵錫！

於是週末下午茶後，一於去好耐冇去過嘅蒲點玩波波。由媽媽陪玩，家姐陪坐，玩咗足足個幾小時！坐喺間大酒家對面，最鐘意食就係佢嘅燒腩仔。成個禮拜冇飯到肚，煲劇之餘食燒腩仔加埋自己煮嘅軟綿綿白飯就最好不過啦！可惜帶住心肝寶貝，真係成隻鷓鴣咁行不得也哥哥，咫尺天涯卻是睇到買唔到！點知出門遇貴人，  此人就係拖住我新抱仔合皮小姐嘅的答糖是也！真係估唔到我嘅救星竟然就係的答糖！馬上托孤，即刻標入去買燒腩仔，仲標埋去超市買咗包我摯愛嘅西洋菜，YEAH！

果然是天從人願，如此這般又過了一個快樂的週末了！