網誌分類：心肝女兒篇 - Miu Miu |
圖片
網誌日期：2009-07-06 00:20
拉亞俊返屋企時，沿途個寵物袋打番咗幾次，亞俊喺入面顛來倒去嚇到瀨尿！出嚟嘅時候手手腳腳連埋塊面都濕哂，雖然昨日天氣實在唔多好，但都要帶呢位仁兄去冲凉兼剪毛。
相信佢第一手主人比嘅膳食都唔慌好，所以亞俊嘅毛又乾又旱，色澤又暗啞！倒不如剪個清清爽爽嘅新裝，至少可以在炎炎夏日中涼快一些。亦希望之後出嘅新毛會靚 D 吧！
一隻狗開心同唔開心真係有樣睇嘅！剛被新主人收養咗未夠一個月，又去到一個新家庭，亞俊的疑惑可想而知，又點笑得出？
完全冇尾巴嘅亞俊，剪完毛後，係咁椅都叫做有條小小嘅兔仔尾啦！
幸福真唔係必然嘅！以往同心肝寶貝影相，一次過影六、七十張都冇問題。想幫亞俊影幾張相，就叫到我聲都沙埋！這小子冇嘢叻，最叻就係翻肚扮死狗！
自從為咗身後嘅玩具狗大戰過後，心肝女就對亞俊敬而遠之，有咁遠時坐咁遠！連平時從來都唔會嚟電腦枱騷擾我嘅 Miu Miu，依家就成日黐到實，要我攬住佢嚟坐！真係該煨囉！
店小耳 2009-07-06 01:15