始終都有第一次！

輸咗麻雀，半夜三更但又精神奕奕咁，到底做乜好呢？早兩日買咗一把牙剪，又拎嚟做乜好呢？呀 ................. 不如 ...................

雖然 Van 姐姐每次替壽包仔剪甲都唔介意幫 Ja B 飛吓髮，但長貧難顧，求人不如求己吧！本來上次都係咁倚幫 Ja B 飛過吓髮，但剪到一岩一慚，仲比大辣笑添！

凡事始終都有第一次，毛啫？好快又會再出番嚟。死就死啦，一於自己郁手！剪咗成個鐘頭，心肝仔好似比人點咗穴咁，坐定定郁都冇郁過！有咗佢嘅通力合作，媽媽就更加雄心壯志，剪呀剪、剪呀剪 ............... 終於就剪成咁啦！  

                      蘇乞兒後代？

                                    飛完髮後嘅戰利品！

對於一個新手嚟講，我已經非常滿意自己嘅成績。睇到 Miu Miu 個頂都亂糟糟，趁住自己信心爆棚之際，馬上乘勝追擊，幫二小姐都飛吓髮。本來以為心肝女實冇咁定性，點知出乎意料之外，佢又好似個洋娃娃咁郁都唔郁，坐喺我面前任剪。令到呢個騰雞媽媽連眼睛嘅位置都敢去續少咁修剪埋，結果 ..................

                     Miu Miu 都整齊哂！

心肝寶貝實在係乖到令人難以置信，或者就係咁樣至令我有無比嘅信心去試我人生中嘅第一次吧！