病期

　　吳太因感冒菌入聲帶，引至急性聲帶發炎，醫生診斷後吳太還未開口取病假紙，醫生就話會寫假紙到星期日（即連續五日病假），而且仲約ｏ左星期日覆診．吳太以前都有聲沙，但好似今次咁嚴重，連續幾天愈來愈失聲，就真係未試過．同吳生傾計要用手語，有一次吳太想講”我同你個仔”，吳生會錯意以為”我有咗你個ｂｂ”我地立即笑到肚痛．原來有把聲真係好重要，我想同仔仔傾計，唱歌都唔得．（好可憐啊呀！）不過在百忙中可以抖下，吳太都覺得好開心．希望我把聲快ｄ返ｏ黎．