暫別迪士尼啦!!

唔經唔覺我哋join咗Disneyland Annual Pass都有成兩年,而下個月2号就到期了,所以今日臨別秋波去多一次,估計短期內都未必再去喇,太貴了。

對仔一直以來都係免費入場,但係而家大個仔好多,門口啲工作人員已經要佢哋買票啦,成為$500.....,算吧,兩年內起碼都free咗6次以上,總算叫"抵"啦!!!

每次入場我哋都推"孖車",既可擺嘢,攰時又可睡一睡囉,所以今日都唔例外......

表姐當然都係迪士尼"粉絲"啦, yeah!

一入場就充滿聖誕氣氛,睇吓棵樹幾靚,爸爸"瞓"哂身同我哋影相留念. 1. 2. 3 笑..

諗住最後一次嚟玩,我哋乜嘢都影吓先,睇吓, Blue Blue最鍾意嘅balloons呀!

最鍾意玩巴斯光年,影張相"一飛衝天"先...

入場前買咗好多零食,開餐先!

飽哂啦,玩下一個game,就係兩隻仔最鍾意嘅"小小小世界"。

咖啡杯..

緊係唔會放過啲街頭玩具啦!

旋轉木馬:

睇吓x'mas look嘅堡壘幾靚!

今晚我哋重霸咗個靚位觀賞煙花,可能對仔真係大個咗,今次佢哋睇煙花嗰陣,又開心又興奮,大叫大喊"嘩,好靚呀!",重覆又重覆,而且因為傻表姐的陪伴,佢哋玩得好投入!

睇完煙花,真的要走吧,影張合照留念先,問佢哋開唔開心,答案唔使問啦,爸爸同媽媽都覺得嗰500蚊使都好值得,好讓大家有個美好的Memory吧。

回程拿車時,細佬已經頂唔順瞓咗,而Blue Blue重撐住話"唔眼瞓喎",傻豬!

Disneyland, 有緣再見啦,...

**冇嘅,緣份係要付出$$$$$咋!!!**

表姐都好唔想走呀,因為.....係因為shopping買唔度"紀念品"喎。

最後我哋回程返市中心食"自家烏冬" dinner,夜咗冇乜人+ OK好味啦...