秒速18米

琴晚看完由灣仔劇團演出之 [秒速18米], 內容講述香港單車代表選手洪松蔭之事積, 末入去看之前, 怕會好悶, 因為通常講別人生平事蹟的戲 / 劇都會較悶, 但係看完之後完全並不是我再諗的. 成套劇包含左: 親情, 愛情及友情, 最感動係結尾洪松蔭在德國比賽個時回憶母親寫俾佢封信的內容, 而洪松蔭母親亦同一時間演譯返, 個3part真係好感人, 帶出雖然母親口頭上唔支持個仔成為單車運動員, 但係暗地裡其實為個仔做左好多野, 佢的辛酸係冇人知道的

而許sir呢個角色亦飾演得很好, 呢個角色簡直令人有種想打佢的衝動, 結尾洪松蔭母親潑佢水個part 簡直令觀眾有拍手掌的衝動, 真係演得好好, 不過係有d 唔明的係, 佢地開頭係屋企個場只係得2個女出現過, 之後喪禮又突然多左2個女, 有d 奇怪, 不過最後德國比賽個場將d單車放曬係台的景真係好特別, 從未見過呢d setting, 係一次難忘的觀賞.

洪松蔭對理想的堅持同毅力亦好值得所有人學習, 佢在沒有任何支持下仍然為自己的理想而努力, 最終不負所托, 成功成為一名出色的單車運動員, 劇中有句對白我覺得印象最深刻的, 就係:
 [人生最少有70幾年, 同兩三年來向自己的理想出發, 都唔係好過份者......]

如果自己有理想而又唔嘗試去實現, 到頭來後悔或怨尤他人/現實, 咁呢一生就真係............... 

希望各人努力向自己的理想出發啦!!!!!!!