黃金親子之旅 + 15km 長課(瀨野)

    
星期六，老婆大人安排去黃金海岸酒店住一夜，今次係第二次入住了，皆因酒店又搞兒童主題活動Keroro 軍曹 ，下午三時開車到目的地酒店check-in，馬上上房間換泳裝，陪囝囝舉行今年的下水禮，當然全程兒童池玩，水深約0.8米，我就踎喺水中跟囝囝玩咗兩個幾鐘。

夜上到附近最著名的食市醫五藏廟–麥當勞，然後齊齊返房瞓餐勁，準備第二日節目。

15km長課 (瀨野)

之後返到酒店享受豐富早餐，而囝囝和老婆就去玩水槍，小朋友比較容易玩熟，好快囝囝就開始和其他小朋友“對戰”起來，當然玩後全身盡濕，返到房間更衣和休息，但囝囝看似比我更攰。電視不定播放軍曹卡通片，齊齊臥在床上睇電視，到了11:45am左右，準備退房。


退房後，時間尚早，我哋又走到遊戲室玩軍曹玩具，這裡除玩具外還有軍曹小雪櫃‥‥‥玩？！小朋友點玩呢？應該比大朋友用黎影相用掛。
小朋友好似有無限體力，玩極都未夠，而我就得番半條人命，真想馬上坐火箭返屋企瞓死佢。


 

玩完室內遊戲，再走到公園玩，我的天啊！攰死我喇！幾時可以返屋企呢？不過仲未肚餓去食晏，都係繼續，反正囝囝話未玩夠。



3:00pm攞車，襯還有時開，再到另外一個的康樂室休息，好一個殘樣！


今次支出共$1,500，其實自已所住的屋苑會所都有泳池，兒童遊戲室，當然屋企仲有張好舒服的大床和大量 Keroro DVD，老婆大人妳真敗家‥‥嗚嗚‥。