嚟到Edmonton嘅第40日——年卅？年初一？

Edmonton時間：2008年2月6日星期三 18：19pm

話都冇咁快就過年喇。今朝9點，收到好多msg，祝我新年快樂喎。呵呵呵···我唔記得嗰陣啱好係國內時間年初一淩晨。

有人話中國嘅節日梗係要按翻中國嘅時間喇。有人話喺外地梗係按外地時間喇。Mmm···我都糊塗喇，唔知幾時對我嚟講先係真正意義嘅新年。Anyway，只要開開心心就幾時都係過年喇。

喺呢個冇團年飯，冇家人喺身邊，冇假放，冇熱鬧氣氛嘅春節，我都要開開心心咁過。