網誌分類：未分類 |
喺平淡中又過咗一日喇。因為未開學，遇上星期六日唔可以去外邊辦事，外邊又落住大雪，唯有留喺宿舍上下網囖。
雖然分開只係幾日時間，思念就一日日咁喺度增加。好掛住敏敏吖！瞓醒嘅時候，腦袋轉唔過嚟，以為仲係以前咁，仲想叫一聲“大大攬攬”。清醒過嚟先知道，我身邊已經冇咗敏敏，只有我自己喇。
以前喺廣州都係一個人生活仲可以照顧敏敏，以為自己可以好獨立。出到嚟先發覺我根本一啲都唔識。以前所謂獨立係因為我喺一個自己熟悉嘅環境裡面，即使人變，物都唔會變。但係而家我一時間人同物都全部變曬，我就變得手足無措。
我答應敏敏，我一定要堅強，一定要逼自己去適應呢個環境！
