網誌分類：未分類 |
我嫲嫲今年90歲喇，係一個好得意又好慈祥嘅老人家。
嫲嫲出生喺鄉下。嫲嫲嘅爸爸係開當鋪嘅，而且仲有銀行嘅生意。所以嫲嫲可以講係含住金鎖匙出世嘅。從嫲嫲口中得知，嫲嫲屋企當時係當地最有錢嘅一戶，係嗰個“女人無才便是德”嘅年代，嫲嫲係全村只有兩個嘅其中一個讀書嘅女人，而且讀到高中。後嚟，因為國家同社會嘅問題，嫲嫲屋企家道中落，一時之間變到一無所有。嫲嫲同爺爺兩個人就帶住4個仔女從鄉下逃離到城市，過住行乞嘅生活。捱到4個仔女都出身喇，嗰陣我都出世喇，嫲嫲同爺爺先開始過一啲安樂小小嘅生活。
我覺得嫲嫲係一個心胸廣闊嘅人。從一個 富家 小姐變成一個一無所有嘅人，都可以堅強咁生活落去。相比而家嗰啲投資失敗就跳樓，生活遇到挫折就自殺嘅人，嫲嫲的確係一個堅強嘅榜樣。學媽媽所講，呢樣就係嫲嫲嘅長壽秘訣！
