落大雨, 做咩好?

琴朝落大雨, 行雷閃電好得人驚, 望下Lu b, touch wood佢又無咩特別反應喎, 懶洋洋瞪天望地, ii笨笨傻豬樣。 平時得閒無所事事時, 我都鍾意痴住Lu b, 同佢玩下傾下計, 但落大雨反而唔敢痂住佢, 驚佢以為一落雨, 就要倚賴住大人就幣加火。呢個時候亦都掛念住佢爹娘家姐, 唔知佢地有無比大雨雷電嚇親? 有無聽狗狗CD舒緩一下呢?

百無聊賴, 聽住大雨噼啪噼啪咁打在窗上, 靈機一觸, 記起有個前輩話過, 落大雨最好抹窗, 唔需要咁多花臣嘢, 唔使用清潔劑, 因為大自然力量另有配方, 老天爺命馬仔大雨哥, 大力打走窗上污積, 再經雨水奄一奄, 用濕布已經可以輕易抹走污垢。

待雨勢稍微後, 即時行動, 嘩~~ 掂呀! 簡簡單單抹幾抹, 唔使過水, 窗外窗內都抹得立立令, 玻璃變得非常清澈明亮, 快、靚、正, 非常環保!!

以往經常用清潔劑抹窗, 化學品令膠邊變質軟化, 窗門有隙, 打風落雨會滲水, 十分狼狽。 年多前大廈做大修葺時, 趁機全屋換掉窗邊膠, 使左二千幾銀好肉赤, 而家有呢個方法真好, 慳水慳力, 事半功倍, 值得推介。