Halloween 09'

October 31, 2009 (Saturday)

    現在, 每逢周末, 都好唔願意早啲起身. 以前, 係周末唔較鬧鐘都會知醒,  可以約定Brian 星期六去麥當當食早餐!! 但現在...實瞓過龍.....無下晝一,兩點, 我都唔願起身!! 會唔會係天氣開始轉冷, 係會特別想瞓呢??

   連我想去嘅早餐餐廳都去唔到!! 因為早餐餐廳每天3pm 就關門架喇!!! 好彩都趕得切去銀行交點雜費, 之後, 便去啲food court 解決我哋餐晏.......有一段時候無去College Park 嘅food court 食野, 估唔到有間燒味檔!! 便食了燒味做晏晝!!

↓去唔到Cora (早餐餐廳), 所以, 便去了food court 食晏, Brian 食叉燒+燒鴨飯, 我食燒鴨瀨....估唔到food court 有燒味檔!! 哈哈!!


    今日, 係Halloween 仲係星期六, 當然會有啲攪作喇!! 但我同Brian 都係臨急臨忙, Halloween 正日先去買啲野黎扮鬼!! 哈哈!! 原來, 正日先買...無咩選擇, 又無減價!! 以後, 都係一早去買!!

    Halloween, 我咪又係約咗我班妹, 以及她們的另一半玩囉!! 其實, 都唔知點解, 我哋可以周不時都對住, 但對極都唔悶, 仲越黎越好玩!! 哈哈!!

    由於, 有啲妹需要在星期六工作, 所以, 我哋差唔多9pm 先一齊食飯, 今次飯局食日本shabu shabu, 係依啲大風又凍凍哋嘅天氣最岩食架喇!! 再加啲壽司, 手卷, 日式串燒, 食得好滿足呀!! 哈哈!! 人多就有個好處, 可以咩都食啲, 好開心架!! 不過, 依間日本餐廳好日本主意, 成間餐廳得幾個人識英文咋!! Brian 打電話去日本餐廳, 預約時, 真係用超高難度, 先話到比人知, 我哋要預六人份量嘅hot pot.............

↓日本餐廳.....仲有手卷


↓Shabu Shabu 呀!! 啲湯低好正....啲湯飲完唔會口渴架!!


↓仲唉咗啲Yakitori (燒物)


↓黎張團體照...哈哈!


     而今日嘅「戲肉」便是扮鬼, 周街行喇, 哈哈!!! 真係大大小小嘅人都會扮鬼架!! 我見到條街真係好多嘩鬼架!! 有啲就好好笑...扮mario 好鬼好笑架!!哈哈!! 但大人當然就無細路仔咁Happy, 講句Trick or Treat 有糖攞喇!! 但大人有大人玩.....(飲下酒,落下pub), 啲細路就有細路玩, 好開心架!!

     不過, 依個Halloween 超大風, .....仲有啲凍添!! 我哋身上啲裝飾都差唔多比風吹走咁濟.  所以, 係街玩咗陣, 感受到啲氣氛就返暖淋淋嘅屋企, 計續狂歡....哈哈!!

    返到我哋屋企都係一邊睇電視, 一邊玩鋤大D, 當然, 傾下計喇!! 哈哈!! 玩鋤D 仲玩到零晨添!! 玩到半夜仲走落街買宵夜添!! 好顛架! 哈哈!

   好彩, Halloween 當天係較慢一小時冬令時間, 所以, 我哋玩到半夜4am , 其實都係玩到3am....yeah!! 哈哈!!

↓嘩鬼呀!! 想嚇我....我唔驚架! ......成班人黎一張團體相......哈!!


↓扮巫婆?....女傭?....死野兔??


↓又黎團體相.....


↓Brian都搞成自己咁....有啲"得人嚇"喎!! 我簡簡單單畫紅塊面,帶個頭"cool"咋!!


↓半夜狂歡到肚餓, 係樓下買咗啲朱古力粉沖hot chocolate,...又買咗onion soup and pizza作宵夜.