每月大事回顧 I

好耐無寫Blog，因為之前由9月至12月都係我工作上超忙的日子，所以分身不暇，等我係百萬重有5週就出世的日子，回顧一下百萬過去幾個月的情況。

2007年9月（第15至18週）

月頭工作上都還可以，不會太遲收工。Daddy月中出埠工幹一星期，我便回外家暫住，所以第17週由媽媽陪我去檢查，Daddy唯有睇返DVD啦! 百萬終於揭盅，係男仔。媽媽話奶奶一定好開心，我話佢重開心，其實佢不留都鍾意男孫多D！不過住係外家的一個星期，不停鼻敏感發作，當然就無睇醫生啦!睇黎我都適應唔返市區的空氣。加上月尾工作開始變得緊張，終於係月尾又變成感冒。經過上個月的經驗，唔睇醫生都好得返。最終也是沒有睇醫生，只係去做定期檢查時問醫生攞定D藥看門口。

2007年10月（第19至23週）

嘩！依個月簡直係工作高峰期，不但夜收工(試過11:55pm俾公司食蕉趕先走)，重要未食晚飯，只係狂食地門粟米同餅乾充飢，凌晨先食飯。因為睡眠不充，甚至要帶公司野返屋企通頂，所以根本就無發生過人地話既半夜起身眼光光瞓唔著，我一有得上床瞓就瞓到成隻死豬。心情十分差，因為真的好累，又對百萬十分內疚，因為嚴重睡眠不足及食無定時，好驚佢唔健康。好彩檢查時醫生都話一切健康正常，仲應該係大碼B。百萬同我捱過依個月真係唔簡單。

攝於9月15日(第17週)，頭圍3.65cm,肚圍1.13cm,腿長2.35cm