好驚呀~

今日下就...媽咪同我行行下街

突然抱起我之後急急腳行,之後仲走左入人地餐廳

原來見到上次追住金毛好想咩咩果隻衰野流浪狗呀!

我聽媽咪講...上次佢尾隨金毛成2條街

媽咪見金毛個女主人腳震震,拿拿臨走埋去嚇佢

其實媽咪都好鬼驚!

衰狗色心起又邊有甘易嚇走呀~

好彩有個男人店主見議勇為,見報紙追打佢

先行走開咋

之後媽咪就陪金毛個女主人走左成條街

仲要抱起呀金毛行呀...

果隻衰狗又突然由後街行去包叉返佢地

嚇到媽咪同呀金毛主人大叫

之後又擾攘一輛先甩到身!

今次媽咪就醒啦...一見佢就抱起我~

不過隻狗都跟住我地半條街,之後媽咪就走入人地餐廳

呀衰狗...大家都係man,你唔好攪我啦~

仲有你快d上返山...唔好再去呢頭搵食

你黃哂0家啦...好多街坊都認得你

你下次再出現,比人告上漁農處你就死得啦~