四分一

星期四覆診，看過 x-ray，我同周醫生都帶點點驚喜，腫瘤明顯縮少......大概四分一 ! 嘩，我同周醫生都帶點驚訝 !!!!!!!

當然係一件好事，周醫生再同我相量下一步計劃。我梗仲有兩針，就完了這一次的化療。

周醫生建議我同時用兩種標靶藥，一種係口服 ，好似之前咁每日一粒之餘，再加一種係靜脈注射，每月一劑，兩種藥加埋都幾<>，都係句，周醫生會比封信我返 QEH 睇會否照開，即管一試，因為政府，佢地有一套機制，如果政府唔照開，我要自己比，真係金過周大福 !

有時真係幾矛盾，呢個真係有錢有得醫，無錢就返 Q 伊 ! 我唔係話政府唔得，係佢地基於大棚醫療，一定係有一套基制，而呢一套機制，一定唔會 tailor made, 再者我呢種四期尾癌症，一定不會浪費資源 ! 我要醫一定係自己搵私家，終有一日醫到<<乾硬化>>  (我話我個銀包)  ! 係 ! 我明，你梗係話有得醫好過無，但係我真係好擔心，如果政府真係唔比，我真係好甘 << 比錢比到眼甘甘 >> !  唔止金，直頭係 << 鑽>> 添 !

你話幾煩 ？所以我都費鬼事諗，煮到就食，船到橋頭自然直 ! 見日過日，諗係無用，對件事係無幫助 ! 自己反而失魂落魄；我都知道自己返工，都有躁底 !