假釋

上星期首次打標靶後覆診　！　照過 x-ray 情況差不多，沒差沒大，情況穩定，仍可繼續用標靶治療 !

周倩明醫生就是那麼細心，今個月打針的日期係公眾假期，由於我要入院打，周醫生就提醒我，不如遲兩日過公眾假期先，因為收費會貴，就算係一舊棉花。我就是欣賞周醫生這般醫德 !  唔會因為由保險公司負責而不理，每一樣都係由病人出發，絕不亂來 !

近來看過多宗醫療新聞，確實為自己鬆一口氣，未有遇上如報導般的 "醫生" ! 真的又要再次多謝周允揚醫生的好介紹 !

作為病人除了同醫生合作，溝通同聽話之外，為感謝佢為我設計既治療計劃，都會瞭表心意，我將我個至愛 "火鍋" (老二) 送比周倩明醫生留念 ! 其實佢間房經已放滿好多病人心意禮物，但係我個火鍋，梗係最得意，最特別同吸引啦 ( 我又唔知醜啦 )，佢見到都話我好犀利 (當然，我都唔係頭一次聽 )，不過見佢帶著欣賞的眼光，我都安慰，希望佢會記得有我呢個成日嘈嘈吵吵，又麻煩既病人 !