最後的優雅

某天睇報紙講到原來香港也可選擇花葬或海葬 !

香港有幾個公園係可以比人灑骨灰，仲有海葬都只不過係數千元可完成! 係我心目中始終都覺得，死後的儀式，真係只不過係一個 " 儀式 " ! 同事們個個都話點都要有番塊碑，要慎終追遠，但係以我無仔無女，何來慎終追遠？! 再者，你係記得我既話，只要一件物件，一個表情，又或者一件肥牛 (有個朋友，真係咁講! 因我鐘愛火鍋肥牛)，都會想起我 ! 我認為用十幾廿萬買個  " locker" ，一年望一兩轉，係咪唔太合乎經濟原則？

同事話，但係海葬既話，同沖落廁所無分別喎 ？! 咁花葬好似優雅 !

同事話今日九月九日，新聞剛說起人揀今日註冊結婚，希望長長久久，我就係道講生生死死，咪講啦 !  其實，每個人，一出世就向著死亡行，何必忌諱 ？