超倦的一天 - 211109

放假天 = 忙碌的一天

(AM)

朝早我同COFFEE訓得好地地...無喇喇.....窗外有個空中飛人(整唔知乜管)......KAKA....好在唔係望住我房....係係廳既窗口......COFFEE虎虎聲....飛天哥哥落左下層..COFFEE就係窗口吠佢.....哈哈...笑死我......呢個無膽鬼!!!人地走左先吠人!!!

(PM)

我同COFFEE仔去左附近既山上行....KAKA....雖然好短程.....不過難得有條路可以比COFFEE跑....都OK..O假!!!不過係回程時......我同COFFEE入左個屋苑....我知呢個屋苑係唔比養狗狗....所以唸住沿住車路行.....係公眾地方.......唔會有問題....點知行行下....有個實Q叫我抱返COFFEE..話呢到唔比養狗......所以唔比狗狗行.....嘩.....事後唸返.....我又唔係入佢屋苑...呢條係街....做乜唔比COFFEE行呀????????

真係好想知....係咪真係唔比呀!!!唔知可以用乜途徑問到呢???

(NIGHT)

同COFFEE去左探個剛剛出院既妹妹.....點知.....妹妹當COFFEE係玩具.....雙手拉住COFFEE雙後腳......又用手拍COFFEE個頭(係大力果隻).....重按住COFFEE個身(我怕整到COFFEE條腰呀)......嘩......比著平時既我......我會係第1個出聲......點知.....今次我都未出聲.....幾把聲STOP個妹妹....事關佢地怕COFFEE咬佢呀!!!!!!!!!!!!

不過.....COFFEE無反抗不特止....個樣重超無奈......勁慘咁望住我......好似想同我講..................."快D幫我呀"

仔..........我勁想呀.....我已經係咁踢爸爸隻腳O假喇!!!如果佢再唔出手.....我就一腳伸埋爸爸到O假喇!!!

見到咁....我已經打哂眼色叫COFFEE爸走.....呢個死佬一D都唔醒爬......攪左好耐先閃......出門口重唔比我少到爆!!!

夜晚果餐打邊邊......又未買齊野.....一陣齊齊唔夠食就麻煩!!!好在係LUNCH時買左大部份咋.............夜晚去到........已經買唔到蝦同墨魚滑喇...............激死!!!呢個時候.....COFFEE爸更係又比我少喇!!!

今晚我重由頭做到尾呀!!!.......又要買又要做(係得我1個做)......不過就食得好開心....事關...從未試過清哂個煲D野食呀!!!每次打邊邊....我最怕食唔哂又留返哂D野食係個煲到.....又唔留得喎.....重要等涼D先可以倒同洗!!!最怕!!!

唉......咁又過左一日喇!!!明天我要去玩呀!!!