1歲半了!

唔經唔覺Marcus已經1歲半了! 早幾個月行路仲係跌跌撞撞嘅Marcus，依家已經可以東奔西跑了。日日無時停嘅BB，連婆婆都服咗佢，仲成日都問阿仔 : " 哎呀...你成日跑來跑去唔攰架咩? "

相比早兩個月時間，Marcus學曉的東西對相多咗，先記錄一下 :

語言方面 ，Marcus說話唔多，咬字方面仍未掌握到技巧，不過見佢都好努力嘗試發音!

可以清晰的名詞及動詞有 : Daddy、Ma Ma、婆婆、姐姐、姑媽、嫲嫲、哥哥、伯伯、我、車、花、象象、蛋蛋、蝦、菜、魚、奶奶、抱、掉、擺、疊、砌、豬、謝謝、早晨、NO、YES

看圖讀英文生字 : CAT、DOG、PIG、DUCK、FROG、LION、BIRD、TIGER、APPLE、BALL、CUP、EGG、FISH、TREE、SUN、WATCH、JET、SEA、UP

數字方面 : 可以清楚讀出1-10，有時會自己唸出1、2、3...，有時會懂接龍，我唸7佢會懂接著唸8，我唸9佢唸10等等

英文字母 : 可認出A-U 嘅英文字母及認字發音，不過發音例如: B、G 未能正確發音 (會讀成D), 如果兩個音的字母例如 : F、H、L、S只發到尾音，即會讀成 : (符)、(廚)、(盧)、(時)....好搞笑.....

形狀 : 大致上已懂認出CIRCLE、TRIANGLE、SQUARE、RECTANGLE、DIAMOND、OVAL、STAR、HEART等形狀

顏色方面 : 藍、紅、黃、綠、橙 (未有花時間教、所以還未完全清昕分辨)

除了自己身體各部份外，懂指出各家居用品方面 : (媽媽問、Marcus用手指出)

CHAIR、TV、TELEPHONE、FAN、DESK、CHAIR、WALL、CLOCK、WASHING MACHINE、PIANO、BED、BOOK、DOOR、LIGHT、SHOES、SOCKS、GLASSES、TISSUE、JACKET、BUTTON

嗜好方面 :

最近愛上玩不同形狀的積木，有時會見佢疊高疊高，側側頭望下自己嘅作品，唔滿意推跌佢再砌過。

喜歡媽媽陪睇書、讀書及唱歌。睇書要媽媽捉住佢嘅食指指住D字讀 (唔指會喊架...)。勁鍾意睇書聽故事，試過媽媽讀讀下走去聽電話，Marcus係咁扯住我喊住要繼續，(唉...第時大個都唔知有無咁勤力~ )

玩puzzle，開始掌握技巧及懂得睇圖，每試完成都會露出笑容，滿有成功感!

大小肌肉方面 :

大小肌肉都發展唔錯，尤其係小肌肉，串珠仔玩一兩次已成功，揸筷子可以自己夾到餸放入口，前日見佢連粟米都夾到嚟食! (呢樣要讚，因從無人教佢點用及點揸筷子!)

最近喜歡禽上禽落，尤其喜歡企上椅子或盒子，好幾似差點跌到頭，好彩媽媽飛身撲救!

壞習慣 :

喜歡"兇"人 (只限大人及熟人)，唔鍾意俾人篤背脊，否則會用手勢作打狀"兇"人。如Marcus做錯事俾媽媽鬧，其他人邊個望住佢會兇邊個 ( 意思係"唔關你事呀!!" )

俾人挑釁發脾氣會打對方，姨媽姑媽婆婆都無面俾，有時嬲得滯連daddy、mama都無幸免。媽媽雖則已努力教導，但此壞習慣亦未改到。

有時媽媽嬲得滯鬧Marcus或用手輕力打佢，佢有時會攞其他人出氣(用手打人一下)，例如婆婆、嫲嫲、姐姐係主要對象

無耐性，見媽媽取出佢鍾意嘅玩具，未攞到手已大叫定先

好習慣 :

肯自覺地讀完書放回書架原處；玩完玩具叫佢都會合作地收拾；用完枕頭會放回房間

如果Marcus整痛我地會走來用手呵番，再錫錫補數 (即刻冧哂~)

早上識講 "早晨" ；俾野佢識講 " 謝謝 "；幫佢做野講 "唔該"；見到陌生人都肯叫人或揮手

最近媽媽工作上都好忙，連寫blog嘅時間都無呀。希望新年假期可以再放多一點時間去教Marcus多一點新事物，其實真的好羨慕那些全職媽媽可以有充裕嘅時間去教bb呢~