開始掌握發音技巧喇!!!

16個月大嘅Marcus說話一直唔多，不過呢一兩日真係有好明顯嘅進步。好像昨天我放工回家，婆婆好開心話我知今日帶Marcus落公園玩時，碰到相熟嘅鄰居，於是婆婆教佢叫"伯伯" 、"姨姨" 及 "哥哥" 同人地打個招呼 ，佢真係識得清楚地發音，我於是叫佢講一次，哈哈.....真係好清楚wor，好開心Marcus終於開始懂得掌握發音技巧了!

好似今晚咁，我故意邊餵奶邊播英文vcd俾佢聽書的內容(因為食奶嘅時候佢係最專心最定架!)，除了內容一說到佢熟悉的名詞佢會俾反應做動作外，某d讀音佢亦跟著嘗試講，例如 : koala (佢讀wa la)，crocodile (佢讀codile)，table (佢讀able)，真係好開心呀!! 我開始意識到Marcus對英文感到興趣，於是我試著用英文講出指令(例如: 叫佢到櫃上面取那杯子給我)，Marcus都明白並做得到。

早兩星期前我第一次見Marcus跟著DVD英文歌裹的小朋友一齊做動作，又轉身、又舉手又踎低、又指鼻又指頭，又指腳指，仲有彈彈跳添，果一刻真係覺得佢好可愛，我忍唔住大笑叫姐姐睇，點知Reni話我知，" 太太, 平時我淨係開dvd機聽，唔開電視俾佢睇，BB聽到首歌都識做動作架! 佢聽得明首歌講咩架!! "  哈哈....我又真係無諗過wor，杜曼講得無錯，小小孩子其實個個都係語言天才，只係視乎大人點樣幫佢地發掘潛能je!

我剛剛開始睇佢第二本嘅著作，佢嘅理論我唔知係咪真，但好多好實在嘅例子令我不得不認同佢嘅觀點及論據。當然時間真係好寶貴，尤其我確實不想錯過Marcus呢幾年嘅黃金時期，anyway我都會盡力嘗試，希望Daddy真係會跟我一同配合持之以恆去實踐呢一套教學方法啦!

我要努力努力!!!!!!