牙牙學語

自從買左套Your Baby Can Read 俾Marcus之後，每日都叫Reni姐姐俾佢睇1~2次，夜晚我得閒又再同佢讀下d slide-card，Be豬果然開始識得認生字同聽指令了!! (當然係要視乎佢心情啦!! )

其實响佢聽咗隻碟幾日，佢已經跟隻dvd發音讀 "eyes"，講得仲好正有埋s 尾音添，讀果時隻傻豬用手指住自己個口 ( 因佢仲未分辨自己嘅五官) 果刻我覺得佢真係好得意，我同姨媽都忍唔住笑左出嚟!

依家當佢聽到隻碟讀 : " arms up" 佢會舉高雙手； " clap " 佢會拍手； " wave " 同 " hi " 佢會揮手；見到狗仔佢會叫 " dog dog dog ...."  ； " nose " 佢會指住別人個鼻 (佢死都唔肯指自己個鼻) ；見到 " tiger " 佢會發出 " 吼..... " 嘅怪聲 等等.....

加加埋埋其實佢睇碟同我教佢讀字都只不過短短10天左右，但已有咁嘅成績，原來小朋友嘅記憶力同領悟力真的不可小看!!! 當然作為媽咪見佢有進步真係好開心呢，但同樣地亦愈來愈煩惱，因為隨住Marcus長大，佢嘅自主力亦愈來愈強，好多野佢都要自己做唔俾人幫，唔鍾意人control佢，做事好心急、無耐性、脾氣大等等....不過Cathy教我想bb有耐性同溫柔，首先要由媽咪做起，所以有時Marcus發脾氣我都盡量叫自己忍耐， 千祈唔好用鬧同打嘅方式去教。

今晚我同佢玩波波，當佢拋個波波，佢會自己講" dump" ，當佢用手打個波佢又會講 " 打" ，小bb原來已經識得將 "揼" 同"打" 呢兩個動作去分辨意思了! 剛滿1歲的 Marcus真係大個仔了!!!