大塞車

2009 年 11 月 20（星期五）

澳門地方細細，但ｄ車就多都你唔信    加上而家成日掘路. 改路，所以塞車對澳門人o黎講，絕對係家常便飯，見怪不怪   

一年一度o既大賽車，就更加唔駛講啦！多條主要o既道路都要o左o黎做賽車跑道，唔大塞車至奇呀   

呢日用新買o既高溶點芝士整o左芝士包，突然醒起我o既舊同事阿靚媽，於是咪即刻    比佢，叫佢放工時o黎攞啦！奈何果日佢無騎馬（電單車）返工    咁o岩呢日兩隻怪獸考完試，諗住上大陸食飯，見橫掂都出車，不如就拎過去比靚媽啦！

o係我正準備出門口o既時候，靚媽    o黎話 ～ 佢公司果頭勁塞車，叫我唔駛拎比佢嘞！費事阻我o地出拱北食晚飯咁話喎！好啦！阿靚，見你咁為我著想，一於有拖無欠，下次再整過比你呀o下  

作為阿靚o既舊同事，我梗係唔會就咁比兩個包佢咁孤寒啦！個盒入面仲有南瓜戚風蛋糕o架 

呢舊就係我o係網上面同人 share 買o既高溶點芝士嘞！買果時老細用佢把超級無敵勁鋒利o既刀o黎幫我一開二o架！如果唔係我都唔知點鋸開佢嘞 

我上年曾經買過一次呢隻芝士，果時懵盛盛無睇清楚，返到屋企至睇到成    ２ kg 重，結果就用到過期都用唔晒    益晒個垃圾桶 

今次我學精o左嘞 ～ o係網上面問有無人想 share，諗住有人要至買    哈！點知真係有個姐姐想買喎，於是咪一人一半囉 

咁大舊芝士（忌廉芝士都係用呢個方法），每次用完都要用保鮮紙包好個切面（唔好有空氣），然後包多一＂浸＂廚房紙（用o黎吸水氣），再反轉個切面向下咁擺返入個盒度就得o架嘞！我用呢個方法，閒閒o地保存三個月唔怕發＂mo＂o架