網誌分類：2009 |
圖片
網誌日期：2009-11-24 07:40
一九八二年, 有五個 "muk" 咀 , 大家都喜歡音樂....為理想, 死慳死抵, 落手落腳 喺中環堅道明愛會堂搞咗個音樂晚會......當然大班志同道合嘅同學, 義不容辭0甘幫手....我, 當然喺度, 因為五個 "muk" 咀當中, 其中一個係我亞哥!!!!
0甘大班人一齊搞嘢, 當然好多嘢發生....有開心, 有唔開心....有人無晒錢- 乾塘, 有人為咗佈置舞台- 受傷, 有人太投入- 無心向學, 有人份工都無埋, 有人失戀, 有人熱戀.....幸好當晚嘅演出, 尚算令人滿意.....
而當晚在坐嘅其中一個嘉賓正默默盤算......佢係亞哥嘅契姐 -施潔玲 - 香港電台導演.........
當一切回複平淡, 各人正面對各奔前程...施潔玲導演就喺呢個時候發功喇, 佢聯絡咗呢五條"muk" 咀, 佢要將我哋嘅 努力, 理想 搬上電視,.......
雖然只係一集過嘅故事........但足夠我哋成班人忙足一個暑假....我哋親身經歷了電視嘅製作過程, 演員有黃耀明, 張明敏, 其他唔記得喇........ 好辛苦嘅挨更抵夜, 長時間嘅 standby, 入錄音室錄音, 一切都好新奇.......當中亦苦 , 亦樂....後來電視播出, 校長在全校宣佈, 所有同學都留意到我哋嘅努力, 大家圍埋一齊睇, 很可惜, 當時嘅電視錄影意外遺失了....
二十七年喇....經亞哥嘅努力, 佢左聯右絡 (因施潔玲導演也已退休) 終於都搵翻呢個 master copy 喇!!!! 睇見二十七年前嘅自己, 睇見當年嘅兄弟, 同學, 戰友..... 起碼我哋一齊做過一D 嘢.....一大堆回憶湧出嚟........ 我眼紅了........
其實, 仲有一個幕後公臣 - FACEBOOK.
1 003.jpg
1 002.jpg
1 001.jpg
AIDEN 2009-11-24 23:22
當年可真有點赤子之心,這些年來人人都營營役役,各自為自己的家庭事業奔波,當年的純真撲實早已被現實淹沒,今天重溫片段,久違的往事再湧心頭,冰封的心仍感陣陣的悸動.
Niko2009-11-25 02:57