傳銷分享親身經歷1

8月2日-8月5日:

基本上,上堂,上堂,上堂!!!
4日3堂+1個月頭會......
(月頭會於每月第一個星期日舉行,
主要介紹今個月的新科準41%+新科41%)

課堂內的東西,我不多談了,
一句講曬,
捉心理+氣氛=洗腦

做左38%後,
他們開始當你自己人,
以往的支吾以對的對話亦變得明白,
佢地會叫我地去打霧,四圍去識d侯爵,
聽下佢地d入會經過,
(自己走去俾人催眠......)

識人是他們常用的手段,
以我為例,我個上線帶我遊場時,
一定會去識一d和我差不多背景的人,
例如,大學生or本身冇錢的人,
分享十居其九係話自己點好點好,
"......放棄學位全職發展....."是例版句,
".....短短x個月已上到侯爵呢個級......"也是好常用,

另外,team入面的大頭,
多數耐唔耐就搞workshop,
成team人去做一d野,
例如分組打霧,鬥多........等等,

總括而言,佢地對住我地d新人,
一開始會不斷同我地打毒針,
佢地不會教我地出case住,
穩固我地個心態先

其實佢地都有同我講過,
呢行係心態行業,
每日返公司可以完全冇野做,
返去自自然然就會俾人洗腦,
因為個環境會令你融入其中

8月6日 - 8月8日

因為6-7號兩日有堂叫"引爆生命力",
d大頭都去曬上堂,
皇室堡少左好多人,
加上冇曬d侯爵,
打霧都打唔到,
成個場個個都做自己野,
基本上就係打電話約case
一係就出去聯誼,
(經常要我地做的事,同下朋友食飯,玩,傾電話都得,
唔需要第一時間約佢地上公司,
反而熟d,之後更容易約出來,
上公司會易傾好多......)

至於我,
我上線,Kathy41%,不斷催我出case,
重坐係我身邊"陪"住我打電話,
佢教我同個fd講:
"我依家轉左份新工,
跟緊Kathy搵食,(個fd我地兩個都識......)
佢間公司係做紅酒生意,
不如上公司坐下,反正Kathy都在場"
佢重話,以我的年紀,同人講做生意好難有人信,
所以話俾人聽打工就得

除此之外,
佢重教我要由我定時間,地點,
對話要夠high,
這樣先夠高調,對方才對你感興趣,
(其實定好case時間,佢地先有效地安排人手做A同大A)
(A:分析員+分享個人經歷/公司的好處   大A:分享個人經歷/公司的好處)

約左case,之後兩日以來就學做B,
當然聯誼也有,因為佢地會叫你去做,
(其實點解要佢地聽話,因為佢地話新人要成功,
就要跟住成功的人行,呢行就係咁簡單,
佢地叫做"歸零",從頭開始的意思)

做B有幾樣野要做,
1.遊場     (帶住個p仔認識公司,主要介紹幾個check points)
2.T-up     (講個A的威水野......要背的......)
3.T-down (講個p仔份工的衰野,等佢自己唔好受,乖乖聽係講)
4.分享3 why   (第1 why:點解自己要入黎發展?)
                    (第2 why:點解佢要入黎發展?)
                    (第3 why:入到黎我地可以得到d咩?)

另外,當p仔上到公司,坐低左,
做B介紹完A出場,A就會做流程,
期間B要坐o係p仔身邊,手放在p仔的椅背上,
令佢覺得你陪住佢,
流程期間,B不用出聲,只要點頭,
問題就由A來解答

學左,佢地會不斷要你role-play俾佢地睇......
務求令你出到parter

8月8日-8月9日

第一次出case,滿懷希望,一心諗住幫朋友,
理直氣壯咁約左佢去Sogo等,
當然,對佢講d野重有保留,
搞到自己個心好唔舒服......

返到公司,第一樣野就係夾case,
之前約左case,就要我地填一張叫PPS的東西,
(PPS是一張填寫有關p仔個人資料o既form,
入面除左個人資料之外,還有現況,性格,背景,理想......等等)
同個分析員講解下張pps,
特別係個p仔o既喜惡,
這樣就可以投其所好,
總之要為不同o既p仔度身訂造一套語言......

到2:30,見到我朋友,同佢先食飯,
(多數都會先坐低傾下計先,
uplate下佢d近況,避免有錯......)

食完飯上公司,
指定動作,遊場,坐低,介紹個A,
跟住A就會做野,包括分析盤生意同搵大A分享,
(有個有趣的情形:
每次有同事帶P仔上公司,
其他人都會叫果個同事,
做到好似好多人識,好有面,
一來增加P仔信心,
二來令到個P仔為左顧全你的面子,
有咩唔鐘意都唔會有咩動作......)

(無論個case成唔成功,個A都會同佢打支口密針,
大意係叫佢咁都唔好同人講,
成功CASE就話,同人講一定會俾人反對,
不如等自己了解多D先啦.....
唔成功CASE就話,你唔要呢個機會,唔等於其他人唔需要,
免得其他人先入為主,係唔係?

口密針最大用途:
1.確保新parter在完全加入公司前(俾錢前......)唔會受人影響
2.就算唔成功,都唔好俾你個fd唱衰你,確保之後仍然有case出)

幸好,我個朋友冇同我顛,(好彩冇累到人......)
如果我冇記錯,
我地3:30上到公司,
佢8:00左右先走到,
(我知佢好唔鐘意,
但佢都好俾面我,
多謝你,差D累到你......)

送左我朋友去地鐵站,
返到公司都未走得,
重要賽後檢討......
不過我心情唔好,
一來對唔住fd,心裡內疚,
二來我和女朋友因為公司的事吵了......
所以我同個上線講兩句就走了......
同時收到消息,
星期四晚(第二日),我要上去珠海上3日2夜o既堂......

我走左去找我女朋友,
醜婦終需見家翁,
她惱我唔同佢講公司d野......(點講啊.....大佬......)
鼓起勇氣同佢講曬所有,
連我借錢都講埋,
出乎意料之外,佢好冷靜,
問左我一d細節上的事,
還叫我一定要同屋企人講,
不過因為第2日要上珠海,
我女朋友答應等我返香港後一齊同家人講......

第2日,因為知道今晚先上珠海,
所以我冇返公司,藉口聯誼,
其實去左搵我女朋友再商量一下,
分析左"盤生意"俾佢聽,
大家傾了很多,
佢都表明立場叫我唔好做,
自己果刻重十五十六,
唔服輸吧......
我地最後都決定等我返香港先同家人講......

8月9日 - 8月12日

呢幾日上左去珠海上課,
個課程是關於自己人生的,
這類課程我3年前就上過了,
課程本身沒有問題,
而且對每一個人都有正面的幫助,
只是,利用它用於賺錢,騙人,
真是很高(賤)的手段......

還有我發覺,
課程160人中,70%以上是內地人,
可想而知DCHL滲透性很高很快,
我們這裡的人也要加油!