診所的工作

好耐好耐無更新個blog，係時候寫返d野。

近日診所的工作十分休閒，因為我不是負責診症，我主要的職責是協助診所的教授診症，說白了，其實就是甚麼都不用做，只需坐在教授旁邊。從沒期望能於教授身上學到甚麼有關中醫的東西，反正在中醫水平方面，我不認為自己會比那些不中不西的內地教授差。不過，跟他學學西醫的知識亦不錯，而且只是坐坐就有糧出，何樂而不為。哈哈﹗

有時當沒有病人的時間，教授會和我傾下偈，閒話家常倒是無問題。但當他談及一些有關中醫的東西時，時常都會出現一些令我無言以對的情況(其實是無奈)，例子如下︰

教授︰肺同膀胱相表里。 

我︰............(呢句野以前在大學都有另一位教授講過，唉﹗)

教授︰我覺得自己在中醫方面無乜悟性，我都係適合做西醫。

我︰.............(我好認同你呢句話)

教授︰呢度中藥房D藥好似唔係咁靚，我開到好大量都好似無乜效。

我︰.............(相信係因為在內地可以中西藥一齊開，所以有效，而黎到香港只可以用中藥，所以........唉﹗)

教授︰一直都唔知究竟中醫所講的水飲即係西醫既乜野病。

我︰.............(我都唔知，亦唔會咁樣強要將中西醫的病名混合)

每遇到類似以上的情況，我都只好不作回應，自己看看醫書，增值一下自己好過。