倒數一星期

唔經唔覺，小弟於現在工作的診所的合約仲有一星期就完，按照慣例，初級中醫師只有一年合約，而且9成9唔會續約，雖然依家都仲未有人通知續唔續約，但我都不存希望，努力搵工吧!(得返一個星期都唔通知，不知所謂，續唔續你都講聲呀!大佬!)

諗返呢一年，真係過得好快，一年前剛加入診所時的情境仍歷歷在目，只是天下無不散之延席，大家一齊展望將來吧!

呢一年最大既得著，就係識到D朋友，其中最要好的朋友係小Q，大家成日傾計，可以說是知己吧! 我走左之後，記住都要繼續一齊去玩，踩單車，教我彈琴呀....嘻嘻!

仲有成日打機，但係中醫水平又很高(應該係全診所最好)既阿強，另一位係同樣鍾意打機既阿豪，我地三個成日一齊連線打。似乎現今的年青中醫都喜歡打機....哈哈!

除左朋友之外，亦見識到一D令人感覺很不爽的同事，不過呢個世界就梗有呢D人，所以都係算啦!

另一得著，相信是中醫水平(理論及臨床)的提升，這又要感謝阿強同我所討論過的案例，他的診症思路及方法，的確令我有所啟發。而於針灸室時常幫病人艾灸，亦令我對艾灸有更深認識。(艾灸的療效的確唔錯)

此外，於藥房幫手時，亦令我學識認藥，基本上，現在大多數中藥我都認得出，作為一位中醫，這點相信是須要的。

總的來說，這一年的工作還算開心的，在此希望大家一齊繼續為中醫藥的發展及推廣而努力。